PA’PUDIAN 57:5 - Sura' Madatu

⁵ Sumpandanna’ tang panggega’ naparitangnga ba’tu pira-pira singa, iamotu to umpadukku api kasanggangan, tu mati’ ma’rupa tau; susi doke sia tinaran tu isinna, sia lilana susi la’bo’ mataran.

PA’PUDIAN 57:5 Referans Kwoze

HABAKUK 2:14

Belanna la naponnoi kapaissanan diona kamala’biranNa PUANG tu mintu’ lino, susi uai buda ussamboi salinna tasik.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

KADIBILANGAN 14:21

Apa la lelukraka tuoKu sia tae’ nasalai kamala’biranNa PUANG la ussamboi mintu’ lino.

PA’PUDIAN 57:11

Belanna iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

HABAKUK 3:3

Saemo tu Puang Matua dio mai Téman, sia iatu To masero dao mai buntu Paran. Sela Iatu kamala’biranNa ussamboi mintu’ langi’, sia nasitutu’i kadipudianNa tu lino.

PA’PUDIAN 148:13

La napudi massola nasang tu sanganNa PUANG, belanna sanganNa mannari ia tu patongloan liu, sia kamala’biranNa ussamboi lino na langi’.

PA’PUDIAN 8:1

Lu lakona pangala sengo. Unturu’ baenan sengona Gitit. Pa’pudianna Daud.

YESAYA 2:11

Mintu’ patiro solo’na tau la dipamadiongan, sia kamatampoanna to mala’bi’ la dipampa lu rokko, anna allo iato PUANG manna tu la layuk misa.

YESAYA 37:20

Iamoto, o PUANG, Kapenombangki, lendokangkan dio mai limanna, anna issanni mintu’ kadatuan lan te lino, kumua Kamu mannari, o PUANG, misa-misa tu Puang Matua.

YESAYA 12:4

Pudimi tu PUANG, sia meongli’komi ussa’bu’ sanganNa, pakaleleanni tu penggauranNa dio lu mintu’ bangsa, pa’peissananni, kumua matande tu sanganNa.

YESAYA 2:17

Allo iato la dipatunduk tu mintu’ kamasuangganna tolino sia la dipampa lu rokko tu mintu’ kamatampoanna pia muane, PUANG manna tu layuk misa.

PA’PUDIAN 21:13

Belanna Mipatipero’mo sule tu tau iato mai, sia Miparundu’imo bulianMi tu lindona.

1 OSSORANNA DATU 29:1

Mangkato ma’kadami tu datu Daud lako mintu’ kombongan, nakua: Iatu anakku Salomo, tu Natonno’mo Puang Matua misa-misai mangurapa sia malolle’pa, anna iate pengkarangan kapua, belanna iate tambakuku tangia inan tolino, sangadinna inanNa PUANG Kapenomban.

PA’PUDIAN 59:8

Pambura-bura tu sadangna ussa’bu’ pebe’se, sia mataran tu lilana susi pa’dang, belanna nasanga kumua: Mindara la urrangii?

PA’PUDIAN 64:4

Tu unnasa lilana butung la’bo’ sia unnando-ando bulianna, iamotu kada mapannang.

SARAMBU PEADA’ 12:18

Iatu tau ma’kada punala bang, patossok susi tobok, tu kadanna, apa iatu pudukna to kinaa umpaden kamatanan.

SARAMBU PEADA’ 30:14

Iamotu to ma’isi susi pa’dang sia to ma’buang susi piso, la unnimbakan mintu’ tobongko, anna mata’pimo lan tondok sia tappumo tu to kalala’ dio lu pa’tondokan.