PA’PUDIAN 55:7 - Sura' Madatu

⁷ Kuurunganni ma’kada: Lendu’ ia maelona, kengku kepani’ susi bu’ku’, angku mentia’ male lako tu ma’dinna kunii torro;

PA’PUDIAN 55:7 Referans Kwoze

YEREMIA 9:2

A’a kenna dennora kuissan tu misa’ pa’bongian dio lu padang pangallaran manassa kutampe te bangsaku sia umpatoyangna’ kaleku dio mai, belanna to ma’gau’ sala nasang tu tau iato mai sia sangtuntunan to tang maruru’.

YEREMIA 37:12

la natampemi Yeremia tu Yerusalem, la male lako tana Benyamin la untarima taa mana’ dio tingayona to buda.

2 SAMUEL 15:14

Ma’kadami Daud lako mintu’ taunna tu nasolan dio Yerusalem, nakua: Ke’de’ nasangkomi, melo ke mallaiki’, belanna iake tae’i nasusito, tae’ takullei tilendok dio mai olona Absalom. Madoi’komi male, da nata’pa ullambirangki’ sia nasanggangiki’ sia napatei pa’dang tu mintu’ to lan kota iate.

1 SAMUEL 27:1

Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.