PA’PUDIAN 55:4 - Sura' Madatu

⁴ Napobua’ angnga’na ualingku, sia pa’pakario-riona to tang mekaaluk, belanna nabala’-bala’na’, sia napandasana’ situang kamare’dekanna.

PA’PUDIAN 55:4 Referans Kwoze

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

PA’PUDIAN 88:3

Sangapaoi anna lattu’ mati’ oloMi tu passambayangku, tananni talinga tu pengkamoyaku:

PA’PUDIAN 69:20

Miissan tu kadibe’seangku sia siri’ku sia attangangku, sia mintu’ to umpandasana’ bendan dio oloMi.

PA’PUDIAN 6:3

Katuru-turuina’, o PUANG, belanna longsena’; pamatanana’, o PUANG, belanna mintu’ bukungku paruninin!

YOHANES 12:27

Totemo te lendu’ rossona tu penaangKu; apara la Kupokada? la Kukuaraka: O Ambe’, karimmanniNa’ dio mai te attu iate! Tae’, apa iari to angKu lambi’i te attu iate.

2 SAMUEL 16:7

Susite tu kadanna Simei tonna marassan untampakki ropu nakua: Mallaiko, mallaiko, e pa’patibollo rara sia to bulituk!

PA’PUDIAN 42:10

La kukua lako Puang Matua, buntu batungku susite; ma’apari amMi tang kilalaimora’? Ma’apari angku lolang ma’pote dibolong, belanna pa’pakario-riona mintu’ ualingku?