PA’PUDIAN 53:6 - Sura' Madatu

⁶ Tonna iato naluang nasang kamatakuran kapua, anna moi to tae’ bannangna nanii mataku’; belanna pantan Napatorro simisa’mo Puang Matua tu buku lampana mintu’ to umpatama limbuko, la mupadenan kamasirisan tu tau iato mai, belanna Natibemo Puang Matua.

PA’PUDIAN 53:6 Referans Kwoze

PA’PUDIAN 14:7

Naludaomora mai Sion tu kamakarimmananna to Israel! Iake Napaka’pannimi PUANG sule tu serongna taunNa, maneri parannu paiman tu Yakub, la sende pakadua tu Israel.

YEREMIA 30:18

Nakua kadanNa PUANG: La Kupopembali tu a’ganna tendana Yakub sia la Kukaturu-turui tu inanna: Iatu kota iato la dibangun sule dao tanete daun lauanna sia iatu tongkonan layuk la bendan dio inanna siamo.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 14:32

Apara la nabalianni tau tu sumbungan pudukna bangsa iato? Napabantangmo PUANG tu Sion, kumua anna mintu’ taunNa tu dipandasa, male mentilindung tama.

PA’PUDIAN 85:1

Lu lakona pangala sengo. Pa’pudianna bati’na Korah.

NEHEMIA 12:43

Allo iato napemalaran tau iato mai tu pemala’ buda; anna siparannu-rannuan, belanna Napaparannu tongan Puang Matua tu penaanna; ia duka tu mai baine sia iatu mai pia parannu-rannu, naurunganni iatu kaparannuanna tau lan Yerusalem mambela nanii karangian.

AMOS 9:14

Sia la Kupopembali tu dalle’na Israel, taungKu: anna bangunni tau iato mai sule tu mintu’ kota sanggang, anna pa’tondokki, sia la untanan garonto’ anggoro’ anna iru’i tu uai anggoro’na, sia la unggaragai pa’lak, nanii kayu membua, anna kandei tu buanna.

YOËL 3:1

Belanna manassa allo iato sia attu iato, ke Kupopembali tu dalle’na Yehuda sia Yerusalem,

YEREMIA 31:23

Nakua kadanNa PUANGna mintu’ ma’dandan maritik, Kapenombanna to Israel: Iatu kada iate la napake pole’ tau dio tana Yehuda, sia lan mintu’ kotana, ke mangkami Kupopembali tu toto’na, nakua: Napamasakkemoroko PUANG e inan kamaloloan sia buntu masero!

PA’PUDIAN 50:2

Iatu Puang Matua pangkillang dio Sion, sundun kamaballoanna.

AYUB 42:10

Napopembalimi PUANG tu dalle’na Ayub, tonna mangka umpassambayanganni tu sangmanena, Nakamasei PUANG tu Ayub Napopanglokkon tu mintu’ apa mangka naampui dolona.

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

SURA’ KATOMINAAN 26:36

Sia la Kupaden tu kamatakuran lan penaammi tu mintu’komi tu torronapa lan tondokna ualinna, naurungan moi daun kayu rondon unnula’ tau iato, anna mallai, susito naula’ pa’dang, anna tibambang tang naula’ tau.

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.