PA’PUDIAN 53:4 - Sura' Madatu

⁴ Pusa nasangmo tu tau iato mai sia dadi asu nasangmo; tae’mo tau misa’ umpogau’ melo, moi misa’ tae’ dukamo.

PA’PUDIAN 53:4 Referans Kwoze

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

YEREMIA 10:25

Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.

PA’PUDIAN 27:2

Iatonna laoina’ to kadake la morai ungkande duku’ku, iamotu mintu’ balingku sia ualingku, titodomi anna sumpandan.

KADA OMBO’ LAKO RASULU’ YOHANES 17:16

Na iatu sangpulo tanduk sia olo’-olo’ tu mutiro, iamo la ungkabiri’ pa’gau’ sala iato anna kalosso’i sia nakambelangi, sia la nakande tu duku’na sia natunu api.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

PA’PUDIAN 94:8

Palan ara’i, e to baga pu’pu’ lan bangsa iate, e to tang keinaa, piranra mimane la kinaa?