PA’PUDIAN 53:2 - Sura' Madatu

² Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna; sia tae’i misa’ umpogau’ melo.

PA’PUDIAN 53:2 Referans Kwoze

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

2 OSSORANNA DATU 15:2

Malemi umpessitammui Asa, nama’kada lako nakua: Perangiina’, e Asa, sia mintu’ to Yehuda sia to Benyamin. Narondongkomi PUANG, ke mengkara’pakomi lako Kalena; iake midaka’I, manassa la miappa’; apa iake miboko’i, manassa la Naboko’i dukakomi.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

PA’PUDIAN 27:8

Penaangku unturu’i tu kadamMi, kumua: Daka’Na’ mipellindoiNa’. La kudaka’Komi, KupellindoiKomi, o PUANG.

2 OSSORANNA DATU 19:3

Moi susito den duka sia dio kalemi tu ba’tu pira-pira kameloan, belanna iatu mai lentong dipodeata miputtai lan mai tondok sia mipabatta’ tu penaammi undaka’ Puang Matua.

YEREMIA 16:17

Belanna matangKu umpenunui tu mintu’ tengkana tau iato mai, sia tae’ nakabunian dio oloKu sia iatu kakadakeanna tae’ nakarerungan dio pentiroKu.

PA’PUDIAN 102:19

Iatu iannate la disurasan to dadi undi, kumua anna iatu bangsa la dipaden undinna la umpudi PUANG.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

PA’TOLE 4:6

Karitutui tonganni, belanna iamo garonto’ kakinaammi sia patiro penaammi dio pentirona mintu’ bangsa, tu la ma’kada, ke narangii tu mintu’na te aluk dipondok, nakua: Tonganna te bangsa kapua iate iamoto sangpetayanan kinaa unnampui tangnga’ melo.