PA’PUDIAN 51:6 - Sura' Madatu

⁶ Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

PA’PUDIAN 51:6 Referans Kwoze

PA’PUDIAN 15:2

Iamo tu to lolang situang penaa masallo’na sia umpogau’ kamalamburan sia umpokada tonganna tu lanna penaanna.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.

1 PETRUS 3:4

sangadinna sipa’ malammak diong ba’teng, tu umpake pakean tang la sanggang, iamotu kedo sorong inaa sia kappa, tu kapua angga’na dio oloNa Puang Matua.

AYUB 38:36

Mindara umpatorroi kakinaan tu salebu’ malillin, ba’tu mindaraka umbenni patiro penaa tu ma’rupa-rupa ma’lodokna salebu’?

ROMA 7:22

Belanna kukaringnganan tu Sukaran alukNa Puang Matua ke diona a’gan penaa,

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

YAKOBUS 4:8

Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

LUKAS 11:39

Nakuami Puang lako: E, kamu to Farisi, manassa umbaseikomi salianna irusan, sia kandian, apa lanmi lu ponno kabasisi-inaan sia kakadakean.

PA’PUDIAN 5:9

O PUANG, rendenna’ lan kamaloloamMi, tu belanna mintu’ ualingku; rantei tu lalanMi dio tingayoku.

1 OSSORANNA DATU 29:17

Kuissan, o Kapenombangku, kumua Kamu tu ussudi penaa sia nakalo’ penaamMi tu kamaloloan, – bulo lollong penaangku ussorongangKomi te mintu’ apa iate; totemo parannu penaangku untiroi, kumua iatu taumMi, tu limbong totemo indete, ussorongan, dukaKomi pamengan sisola kamalangngoran penaanna.

YEREMIA 32:40

Sia la untananNa’ basse matontongan sola tau iato mai, kumua tae’ Kula toyang dio mai kalena umpogauranni melo sia la Kupalan penaanna tu kamengkaolan lako Kaleku, kumua damo natoyang tu tau iato dio mai Kaleku.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

PA’PUDIAN 26:2

Sudina’, o PUANG sia sandakna’! Sia sudii tu ba’tengku sia penaangku.

AYUB 32:8

Manassa kumua iatu penaa lan ba’tengna ma’rupa tau sia penaanna To umpoissan angge maritik, tu umbenni kapaissanan lako tau iato mai.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

SARAMBU PEADA’ 2:21

Belanna iatu bulo lollong la untorroi tondok sia iatu to masallo’ la mareso’ lan,

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

PA’PUDIAN 125:4

O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

2 SAMUEL 12:13

Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

PA’PUDIAN 32:5

Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

PA’PUDIAN 41:5

Kukuami: O PUANG, kamaseina’ dikka’, sia pamatanana’ belanna kasalammo’ lako Kalemi.

YEREMIA 12:1

TonganKomi Kamu o PUANG, ke la sikara-karaki’; apa moi susito, moraina’ la sipa’kada Puang diona tu mai apa malambu’, kumua: Ma’apai anna maupa’ tu lalan to tang mekaaluk, sia manaman bang ia tu mintu’ to ma’kedo tang maruru’?