PA’PUDIAN 51:16 - Sura' Madatu

¹⁶ Lendokanna’ dio mai indan rara, o Puang Matua, Puang Matua oto’na kasalamarangku, la napopela’tek lilaku tu kamaloloamMi.

PA’PUDIAN 51:16 Referans Kwoze

PA’PUDIAN 40:6

O PUANG Kapenombangku, budamo tu mintu’ penggauran kalle-kalleamMi mangka Mipogau’, sia mintu’na Mipondokangkan, tu kipomelona; tae’ misa’ apa ma’din dipasangtintiangKomi. Iake la kurundunanni sia la kupokadai, tang dikemba’mo dibilang.

HOSEA 6:6

Belanna nakalo’ penaangKu tu kamamaliran, tangia pemala’ pangrere’; sia kapaissanan diona Puang Matua, tangia pemala’ ditunu pu’pu’.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

PA’PUDIAN 50:8

Tang bannang diora pemala’mu Kunii untarru’iko, belanna iatu pemala’ ditunu pu’pu’mu tontong bang dio oloKu.

YEREMIA 7:27

Mupokada tu mintu’ kada iate lako tau iato mai, apa tang naperangiiko sia mukambaroan, apa tang napebaliiko.

PA’TOLE 22:22

Iake diappa’i tu misa’ muane marassan sangampa’ baine kemuanemo, manassa la mate dipongko sola duai, tu muane mangka sangampa’ baine iato, sia ia duka tu baine. Susimoto la munii umpa’dei tu kakadakean dio mai Israel.

KADIBILANGAN 15:27

Iake den misa’ tau umpogau’ kasalan tang diangga’i, manassa la umpennoloan misa’ bembe’ birang sangtaunmo la diposuru’ pengkalossoran.

KATASSURAN 21:14

Apa iake denni tau umpogau’ kadake la ussanggangi padanna ma’rupa tau sia natangnga’ la umpatei, sipatu la miala moi nadio mai to’ pemalarangKu, anna dipatei.

KADIBILANGAN 35:31

Iatu sunga’na to papatean da mialai tu doi’ pela’bakna, apa manassa ia la dipatei.

2 SAMUEL 12:9

Ma’apai ammu tapa’ bangi tu kadanNa PUANG, ammu pogau’i tu apa kadake dio pentiroNa? Mupesuan umpatei pa’dang tu Uria, to Het, ammu pobainei tu bainena, sia kalena mupatei pa’dangna to Amon!

PA’PUDIAN 71:15

La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.