PA’PUDIAN 51:11 - Sura' Madatu

¹¹ Pasalaimi matamMi tu mintu’ kasalangku, sia pa’deimi tu mintu’ kakadakeangku.

PA’PUDIAN 51:11 Referans Kwoze

EFESUS 4:30

Sia da mipamasussai tu Penaa Masallo’Na Puang Matua, tu dinii mangka untodingkomi landa’ lako allo kadila’bakan.

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

ROMA 8:9

Apa kamu te tangiakomi umpengkaolai pa’kalean, sangadinna umpengkaolai Penaa to ke torroi tu PenaanNa Puang Matua lan kalemi. Apa iake denni tau tae’ PenaanNa Kristus dio, tangia taunna Kristus.

KADADIAN 6:3

Ma’kadami tu PUANG: Iatu PenaangKu tae’ na la tontong bang lan kale tolino, belanna patengkan sia inang pa’kalean siamo; la saratu’ duangpulomora taunna tempona tu tolino!

YOHANES 14:26

Apa iatu Panglalan iamotu Penaa Masallo’, tu la Nasua Ambe’ tete dio sangangKu. Iamo la unnada’ikomi tu mintu’nato sia la umpakilalakomi tu mintu’na mangkanna Kupokadangkomi.

LUKAS 11:13

Iamoto ia duka tu kamu to kadake, miissan duka umbengan pamengan melo lako anakmi, ontong pissan tu Ambe’mi dao suruga la umpa’bengan Penaa Masallo’ lako to umpalakui lako Kalena.

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.

1 SAMUEL 16:14

Toyangmi tu PenaanNa PUANG dio mai Saul sia misa’ penaa kadake lu dio mai PUANG umpatigiang-giangi.

1 SAMUEL 10:10

Iatonna rampomo sola duai lako Gibea, natammuimi kasirampunan nabi. Anna rampoi penaanNa Puang Matua, naurunganni tiakka’ penaanna ma’nubua’ dio lu tau iato mai.

TO PARENGNGE’ 16:20

Ma’kadami tu Delila lako nakua: E Simson, nalaoimokomi to Filistin! Pana’dingmi sia ma’tangnga’ nakua: Susito lendu’na la tassu’na’ sia ussintakna’ kaleku; apa tae’pa natandai kumua soro’mo tu PUANG dio mai kalena.

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

PA’PUDIAN 71:9

Da Mitibena’, ke matuamo’, sia da Mitampena’, ke moro’mi tu bukungku.

2 DATU 24:20

Belanna kasengkeanNa PUANG, anna sakerangngan-rangnganna tu kakadakeanna Yerusalem sola Yehuda, sae lako Nasualei dio mai oloNa. Pabali-balimi Zedekia lako datu Babel.

2 SAMUEL 7:15

Apa iatu kamakarimmanangKu tae’ nala sorong boko’ dio mai kalena, susitu mangkamo Kupasorong boko’ dio mai Saul, tu Kupatoyangmo dio mai tingayomu.

TO PARENGNGE’ 15:14

Iatonna rampo Simson lako Lehi unnarrak-arrakmi tu to Filistin sae untammui; pakalan Narampoimi PenaanNa PUANG, anna mintu’ tu ulang lan lengo-lengona tenmoto batang rami nakande api sia iatu pepungona sisane’buan tilossok lan mai limanna.

YEREMIA 7:15

sia la Kusualekomi dio mai oloKu, susitu mintu’ siulu’mi Kusuale, iamotu mai bati’na Efraim.

PA’PUDIAN 43:2

Belanna Kamumo Kapenomban pentirerungangku; ma’apari amMi tibemora’? Ma’apari angku lolang ma’pote dibolong, belanna pa’pakario-riona ualingku?

KADADIAN 4:14

Tonganna totemo Miula’imo’ lan mai padang iate, la kupembunian tu kaleku dio mai oloMi, sia la salamba salaona’ lan te lino; manassa la dadi undinna, ke minda-minda kusitammuan tae’ na la tang umpateina’.

ROMA 1:4

apa kea’gan Penaa ma’pamasallo’, dipamanassamo kumua AnakNa Puang Matua sikambi’ kakuasan, tu belanna kamalimbangunanNa dio mai to’ to mate, tu Yesu Kristus, Puangta.

2 DATU 23:27

Ma’kadami tu PUANG nakua: La Kusabu’i duka tu to Yehuda dio mai oloKu, susi to Israel mangka Kusabu’i; sia la Kuboko’i te kota iate, tu mangka Kupilei langsa’, iamotu Yerusalem, sia iatu banua, tu mangka Kunii ma’kada kumua: La nanii sangangKu dio.

TO PARENGNGE’ 13:25

Randukmi tu PenaanNa PUANG umpatiakka’ penaanna Simson dio Mahane-Dan, kasiallaranna Zora na Estaol.