PA’PUDIAN 5:10 - Sura' Madatu

¹⁰ Belanna tae’ bang tu tongan sun dio pudukna tau iato mai; kasanggangan napariba’tang, sia gora-gorana butung liang tungangnga’, sia paminnakan tu lilana.

PA’PUDIAN 5:10 Referans Kwoze

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

2 SAMUEL 17:14

Nakuami Absalom sia mintu’ to Israel: Iatu pa’timbanganna Husai, to Arki melo na pa’timbanganna Ahitofel. Apa inang pangelorannamo PUANG susito, belanna la Nadampa tu pa’timbanganna Ahitofel, kumua anNa pasaeanni kasanggangan PUANG tu Absalom.

1 KORINTUS 3:19

Belanna iatu kakinaanna te lino mendadi pa’popetaa lako Puang Matua. Apa den disura’ nakua: Tangnga’na kalena tu to matangngaran Nanii Puang untingkanni.

PA’PUDIAN 71:13

Da’ito anna kasirisan sia sanggang tu to undaka’ sunga’ku; sia da’ito nakabu’i siri’ sia pebe’se tu mintu’ to undakaranna’ kakadakean.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

2 SAMUEL 17:23

Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

BATING 1:5

Mintu’ to umbalii ussau’i, iatu ualinna paiman, belanna PUANG umparampoi kamasussan, natumang sala budanna; iatu mintu’ pia’-pia’na inang la male dipali’, nadolo lumingka naturu’ to umbalii.

PA’PUDIAN 55:15

Lendu’ ia mammingna bang tu kasisangmuaneanta, sumalong-malong lan banuanNa Puang Matua sola to buda.

PA’PUDIAN 35:26

Da’ito anna kasirisan sia maila’ tu mintu’ to umposende kamandasangku, da’ito naputu’i siri’ sia kaburerean, tu to umpamatampo kalena lako kaleku.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

YESAYA 1:20

Apa iake battukkomi sia pabali-bali, manassa la nakandekomi bassi mataran; susimoto tu kada ombo’ dio mai randan pudukNa PUANG.

YESAYA 1:2

Perangii, e mintu’ langi’!, sia patananni talinga, e lipu daenan! belanna nakua tu kadanNa PUANG: Kupelobo’i sia Kukaduttu’ tu mai pia, apa naboko’iMo’.

PA’PUDIAN 107:11

Belanna umbali-bali kadanNa Puang Matua sia untapa’ pa’timbanganNa Patodoranna.

PA’PUDIAN 79:12

Na lako bali lembangki papakkanni manglokkon pempitu tama rianna tu pebe’se mangka nabe’seangKomi, o Puang.

PA’PUDIAN 66:7

Ia ma’parenta tontong sae lakona tete dio kamatotoranNa, sia matanNa umpenunu mintu’ bangsa, da naumpamatampo kalena tu to pabali-bali. Sela

PA’PUDIAN 17:13

Ke’de’Komi, o PUANG, tingngoi tu tau iato mai, sia pemparrakanni amMi rampananni la’bo’Mi tu katuoangku dio mai to tang mekaaluk.

PA’PUDIAN 10:15

Rebongi tu takia’na to tang mekaaluk sia to kadake; papakkanni tu katangmekaalukanna satae’na Miappa’i.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

1 SAMUEL 25:29

Iake bendanni misa’ tau la unnula’komi sia la undaka’ lalan la umpateikomi, la dipori lan pa’pulunganna to tuo tu deatammi dio oloNa PUANG, Kapenombammi, apa iatu deatanna mintu’ ualimmi la dipellebaran lan mai inan batu pekolak.

PA’TOLE 2:30

Apa iatu Sihon, datunna Hesbon, tae’ naelorangkan ullendu’i lili’na, belanna PUANG, Kapenombammu umpamakarra’i tu penaanna sia umpabattuk ba’tengna, kumua anNa sorongi tama kuasammu, susitu a’ganna totemo.