PA’PUDIAN 49:10 - Sura' Madatu

¹⁰ Kumua anna marendeng tuo, sia da nasitiro tang merambu.

PA’PUDIAN 49:10 Referans Kwoze

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

IBRANI 9:27

Susitu tolino manassamo den pissan nala mate, namangkato namane dipaolai salunna,

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

SARAMBU PEADA’ 30:2

Belanna mandu bagana’ na iatu mintu’ tau sia tang unnampuina’ tangnga’ melo susi tolino.

PA’PUDIAN 94:8

Palan ara’i, e to baga pu’pu’ lan bangsa iate, e to tang keinaa, piranra mimane la kinaa?

PA’PUDIAN 73:22

Attu iato bagana’ sia tang paissan, butungna’ olo’-olo’ tae’ inaanna dio oloMi.

PA’PUDIAN 49:17

Da ammu magiang, ke denni misa’ tau mellolo rangka’, sia samala’bi’-la’bi’na tu banuanna.

YEREMIA 17:11

Susi manuk lampung unnarranni tangia tallo’na, susi dukamoto tu to urrampun tang malolo ianan; lan kamatangnga – taunna manassa la natampe sia iatu kama’tampakanna la susito baga.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

SARAMBU PEADA’ 12:1

Minda-minda tu ungkamali’ peada’, iamo ungkamali’ kapaissanan; apa minda-minda tu ungkabiri’ peta’tan, iamo tobaga.

SARAMBU PEADA’ 11:4

Iatu kasugiran tae’ gai’na, ke attu kasengkeanNa Puang, apa iatu kamaloloan melendokan dio mai kamatean.

PA’PUDIAN 17:14

Na limamMi urrampananna’ dio mai tau iato mai, o PUANG, iamotu to umbudanan lino, tu katuoan ia manna te napotaa, amMi patamai apa pura Miparandananni tu tambukna, sia napodia’ dukai anakna, sia iatu sesanna la natampean bati’na.

PA’PUDIAN 89:49

Mindara tu tolino tang sitiro kamatean, sia ma’din urrampanan kalena, dio mai kuasanna lino to mate? Sela

SARAMBU PEADA’ 14:24

Iatu makotana tokinaa napokasugiran; iatu kabaganna tobaga tontong napobaga.