PA’PUDIAN 48:14 - Sura' Madatu

¹⁴ Tiro meloi tu benteng salianna sia manta-mantai tu mai tongkonanna, ammi issanni unnuleleananni bati’mi,

PA’PUDIAN 48:14 Referans Kwoze

YESAYA 58:11

Sia PUANG tontong la urrendenko sia Napedia’i tu kalemu, moi ammu dio lu padang rangke sia la Napamawatang tu mai bukummu, ammu susito pa’lak disakka’i sia susito kalimbuang tang ma’ti.

PA’PUDIAN 73:24

Kamu la umpatudu lalanna’ tete dio pa’timbangamMi, naundinna to Mipatamana’ kamala’biran.

YOHANES 16:13

Apa ianNa sae Ia, Iamotu Penaa Kamanapparan la Nalalankomi lako mintu’na kamanapparan belanna tae’ Nama’inaanna kalena ma’kada-kada, sangadinna iatu Naranginna ia dukamo Napokada; sia Napa’peissanan lako kalemi tu mintu’na apa la dadi.

PA’PUDIAN 25:9

Ia umpalolang to umpamadiongan penaanna lan katonganan, sia la unnada’i lalanNa tu to umpamadiongan penaanna.

PA’PUDIAN 73:26

Moi anna sanggang tu batang kaleku sia ronta’ tu penaangku, apa Puang Matuari buntu batunna penaangku sia kupomana’ tontong sae lakona.

PA’PUDIAN 31:14

Belanna kurangimo tu kada boko’na buda tau, – kamatakuran tiku lao –; samaturu’ umpata’paina’ lima, sia undaka’ lalan ungka’tu sunga’ku.

PA’PUDIAN 16:2

Kukua lako Puang: Kamumo tu Puangku, Kamu manna tu nanii kameloangku!

SARAMBU PEADA’ 8:20

Umpolalanna’ lalan malolo, dio tangnga batatta kamalamburan,

BATING 3:21

Inde sia tu la kupalan penaa, iamoto angku ma’rannuan:

KADIBILANGAN 9:22

Iake masai tu gaun torro dao Kema, ba’tu duang allo, ba’tu sangbulan, ba’tu masaipi, iatu to Israel torro ma’tenda, tae’ nake’de’ len; apa iake tiangka’mi tu gaun, namane ke’de’ tu tau iato.

2 SAMUEL 7:24

Mangkamo Mipatontong tu taumMi Israel la Mipotau sae lakona na Kamu, o PUANG tu Kapenombanna tau iato mai.

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.