PA’PUDIAN 48:13 - Sura' Madatu

¹³ La ullilingikomi Sion sia salongi, mibilangi tu menarana.

PA’PUDIAN 48:13 Referans Kwoze

PA’PUDIAN 71:18

Iamoto da Mitampena’ sae lako matua indukku, sia ma’lullung bura-buraku, o Kapenomban, angku pa’peissananni tu kamawatangamMi lako to dadi totemo. Sia kuasamMi lako mintu’ osso’na to dadi undi.

PA’PUDIAN 122:7

Sangapaoi anna marampa’ mintu’ to naluang bentengmu, sia rapa’ tu to lan tambakukummu.

PA’TOLE 11:19

La miadaran tu mai anakmi sia la mipokada tu iannato, ke unno’ko’komi lan banuammi sia iake diokomi lu lalan sia iake matindokomi sia iake millikkomi.

AMOS 9:11

Allo iato la Kupabendan sule tu lantangna Daud, tu robokmo, sia la Kupasule tu rassakna, sia la Kupabendan sule tu ro’pokna; la Kubangun sule susi to dolona,

YOËL 1:3

Uleleananni tu apa iate lako mintu’ anakmi; sia iatu anakmi la naulelean duka lako anakna sia anakna tau iato mai la ullelean pole’oi lako bati’ siosso’na.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

YESAYA 33:20

Tiromi tu Sion, iamotu kota passamayanta. La natiro matammu tu Yerusalem, misa’ inan marampa’, misa’ tenda tu tang dipalele len, tu tang tidu’duk len pantokna, sia tang tiko’ka’ len tu ulangna.

YEHEZKIEL 21:25

Na iko, e arung to Israel, to bulituk sia to tang mekaaluk, nalambi’mo tu allomu, iamotu attu kadiukungan ma’katampakanna.