PA’PUDIAN 48:10 - Sura' Madatu

¹⁰ O Puang Matua, kikilalai bang tu kamasokanamMi lan lisu banuamMi.

PA’PUDIAN 48:10 Referans Kwoze

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

PA’PUDIAN 113:3

Iatu sanganNa PUANG sipatu dipudi randuk dio mai kadellekan allo landa’ lako kabotoan kulla’.

PA’TOLE 28:58

Iake tae’i mukaritutui tonganni tu mintu’ kada Sukaran aluk, tu disura’ lan te sura’, sia iake tae’i mukataku’i te Sanga mala’bi’ sia metakuran, iamotu PUANG, Kapenombammu,

YOSUA 7:9

Ianna rangi to Kanaan sia mintu’ to lan tondok iate, manassa la napatama limbukan sia naputtai tu sangangki dao mai kuli’na padang. Na apamora la Mipogauranni tu sanga pasareongamMi?

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

KADA OMBO’ LAKO RASULU’ YOHANES 19:11

Tiramban kutiromi tu langi’ tibungka’, napayan tu misa’ darang busa’, na iatu to ussakei disanga Maruru’ sia Tongan, anNa tang pakayun bimbang ma’paolai salu sia parari.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

MALEAKHI 1:14

Tampak ropu duka lako tu to ma’pakena, ke denni misa’ patuoan laki lan tuntunanna, tu mangka nadandi lan pangallonanna, apa napennoloan tu misa’ patuoan tu den tattanna lako PUANG! Belanna Aku te, Datu pasareongan, kadanNa PUANGna mintu’ ma’dandan maritik, sia metakuran tu sangangKu dio lu mintu’ bangsa.

PA’PUDIAN 145:17

Malambu’ tu PUANG dio mintu’ lalanNa, sia masokan lan mintu’ penggauranna.

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

PA’PUDIAN 45:7

Isungan kapayungamMi, o Puang Matua, tontong sae lakona, Sia tekken kamalamburan iamo tekken kapayungammi.

PA’PUDIAN 11:7

Belanna malambu’ tu PUANG sia ungkabarii kamalamburan; iatu to bulo lollong la umpemantang rupanNa.

1 OSSORANNA DATU 16:14

Iatu PUANG, Iamo Kapenombanta, Sia mintu’ pa’paolaianNa salu lalo lan mintu’ lino.