PA’PUDIAN 47:6 - Sura' Madatu

⁶ Kendekmo tu Puang Matua langngan naturu’ arrak, Iamotu PUANG, naturu’ oni tarompe’ pua.

PA’PUDIAN 47:6 Referans Kwoze

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

PA’PUDIAN 68:4

Apa iatu mintu’ to malambu’ la parannu-rannu sia sila’tekan dio oloNa Puang Matua, sia parannu batu ba’tengku sia sende paiman.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.

MATIUS 27:37

Iatu kada diparapasanni disura’ dao to’ ulunNa nakua: Iamote tu Yesu, Datunna to Yahudi.

1 OSSORANNA DATU 16:9

PenanianNi sia pakendekanNi pa’pudian; Pokadai tu sininna penggauran kalle-kalleanNa.

PA’PUDIAN 89:18

Belanna Kamuri tu napomala’bi’ kamatotoranna, sia diona kamasorokamMi amMi pataranggai tu tandukki.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

KATASSURAN 15:21

Natindokmi Miryam tu penanianna tau iato mai, nakua: Menanimokomi umpudi PUANG, belanna matande tongan tu kamala’biranNa; Napembuangan tu darang sia to ussakei tama tasik.

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.