PA’PUDIAN 46:2 - Sura' Madatu

² Iatu Puang Matua iamo pentilindungangki, sia oto’na kamatotorangki, misa’ pa’tunduan tongan lan kapussakan.

PA’PUDIAN 46:2 Referans Kwoze

PA’PUDIAN 23:4

Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

IBRANI 13:6

Naurungan batta’ki’ ma’kada, kumua: Puangmo tu To patunduangku, tae’ kula mataku’ len. Apara la nagauranna’ telino?

PA’PUDIAN 27:3

Moi natingoina’ sangtuntunan to parari, tae’ namataku’ tu penaangku; moi anna titanan tu ra’ untingoina’, tontong dukana’ ma’passare.

MATIUS 21:21

Mebalimi Yesu sia Nakua lako tau iato mai: Tonganna tongan Kukua lako kalemi, iake denni kapatonganammi sia tae’ mibata-bata, tae’ nasusinna manna te dipogau’ lako kayu ara ma’din mipogau’ sangadinna iake mikua ungkuanni te buntu: Tiangka’ko ammu tipembuang rokko tasik, tae’ natang dadi.

LUKAS 21:33

Iatu langi’ sola lino la pa’de, apa iatu kadangKu tae’ nala pa’de.

PA’PUDIAN 82:5

Tau iato mai tae’ tangnga’na sia tae’ paissanna, tontong bang lolang nakabu’ kamalillinan; ia dukamoto anna tigega’ tu mintu’ parandanganna te lino.

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

2 SAMUEL 22:3

Kapenombangku sia Buntu batungku, tu kunii mentirerung, Iamo kupobalulang, sia tanduk kasalamarangku, sia benteng matoto’ku. Sia pentilindungangku, sia pela’bakku; tu mangka ullendokanna’ dio mai pa’pakario-rio.

PA’PUDIAN 28:7

PUANGmo kamatotorangku sia balulangku; Iamo nakatappa’i penaangku, angku appa’mo pa’tunduan. Iamoto anna sende paiman tu penaangku sia la kupakendekan pa’pudi-pudiangku.

PA’PUDIAN 37:39

Apa iatu kasalamaranna to malambu’ bu’tu lu dio mai PUANG, Iamo pentirerunganna lan attu kamaparrisan.

PA’PUDIAN 59:17

Apa iate aku la menanina’ umpudi kamatotoramMi, sia la mela’tekna’ ke melambi’ diona kamasokanamMi, Belanna Kamumo kupobenteng matoto’, sia pentilindungan tongku lan kamandasan.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

PA’PUDIAN 91:2

Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

PA’PUDIAN 142:6

O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.

YEREMIA 14:8

O Pa’rannuananna to Israel! o Patunduanna, ke attu kapussakan, ma’apai amMi la butung to sae lan tondok iate, sia butung to lendu’ lalan, tu lendu’ bangri ma’bongi?

NAHUM 1:7

Iatu PUANG masokan sia misa’ pentirerungan lan attu kapussakan; Natandai duka Ia tu mintu’ to umpentirerungI.