PA’PUDIAN 45:8 - Sura' Madatu

⁸ Mikamali’ tu kamaloloan ammi sayu kakelokan; iamoto, o Puang Matua, anna bolloikomi minna’ Kapenombammi, tanda kasendean, Napalosongkomi na iatu mai solami.

PA’PUDIAN 45:8 Referans Kwoze

PA’TENDENG BALLO 1:3

Iatu bau minna’mi busarungngu’, sia iatu sangammi susitu minna’ pandere’ dibolloan. Iamoto anna mintu’ anak dara ungkasinnaikomi.

YOHANES 19:39

Iatu Nikodemus, tu mangka lao umpellambi’i bongi Yesu, sae duka umbaa muru dipasirau garu, agi-agi sangtangnga pekulu’.

PA’TENDENG BALLO 4:6

Sae lako mangiri’na angin makaroen sia pa’dena mintu’ ongan-ongan la malena’ lako buntu nanii muru, lako tanete nanii dupa.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

PA’PUDIAN 16:11

Mipokadanna’ lalan katuoan; dio oloMi den kaparannuan media’i; sia dio kananMi den kasode-sodean tontong sae lakona.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

YOHANES 14:2

Lan banuanNa Ambe’Ku buda inan dinii torro; iake tae’i nasusi to, manassa mangkamo Kupokada lako kalemi; belanna la laoNa’ umpasakkarangkomi inan.

AMOS 3:15

Attu iato Kuro’pokan tu banua pentionganan sola banua pentuanginan sia la sanggang duka tu banua gading, ondongpi la buda banua mangsan, kadanNa PUANG.

PA’TENDENG BALLO 5:13

Iatu popona susito sangtampang oto’ pebangki’, susito sangtempe’ oto’ rampa-rampa, iatu pudukna susito danga-danga, nanii to’do-to’do muru lolong.

PA’TENDENG BALLO 5:5

Millikmo’i la umbungkaranni ba’ba tu andi’ pa’kaboro’ku, anna nii muru to’do-to’do tu limangku, sia nale’ke’i muru lolong tu rakka’ku, dio toean salli’ ba’ba.

PA’TENDENG BALLO 3:6

Apara ia tu sae dio mai padang aak, susito lentong rambu, ma’bau muru sia dupa sia mintu’ pebangki’ busarungngu’na to ma’balili?

PA’TENDENG BALLO 1:13

Iatu andi’ pa’kaboro’ku butung to mur sangsepu’-sepu’, tu torro lan alla’ susungku.

PA’PUDIAN 150:4

Pudimi ganda’-ganda’ ammi ma’gellu’! Pudimi paningoan diritii sola suling!

1 DATU 22:39

Iatu tang dipokadannapa tu mintu’ tuna’na Ahab sia mintu’ tu apa mangka napogau’ sia iatu tongkonan layuk gading tu mangka napabendan sia mintu’ kota mangka nabangun, tang tisura’moraka lan sura’ ossoranna mintu’ datu to Israel?

PA’PUDIAN 45:15

La dipopennolo lako datu situang tamangkalena makkarupa-rupa sulanna, sia mintu’ anak dara sangbara’na, umbaananni la dipopennolo duka lako kalemi.

PA’PUDIAN 11:7

Belanna malambu’ tu PUANG sia ungkabarii kamalamburan; iatu to bulo lollong la umpemantang rupanNa.