PA’PUDIAN 45:2 - Sura' Madatu

² Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

PA’PUDIAN 45:2 Referans Kwoze

LUKAS 4:22

Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

YOHANES 7:46

Nakuami mebali tu to disua: Tae’pa ia naden len tau ma’kada susitu tau ia tu.

PA’PUDIAN 21:6

Kapuamo kamala’biranna belanna kasalamaran lu dio mai Kalemi, sia Mikamaseimo kadipangkeran sia kabarre – alloan.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

PA’TENDENG BALLO 2:3

– Susi garonto’ lemo datu dio lu mintu’ garonto’ kayu pangala’, susi dukamoto tu andi’ pa’kaboro’ku dio lu mintu’na pia muane. Iatu unno’ko’ lan pentiongananna iamo pa’poraiangku, sia matanning tu buanna lan lingaroku.

SARAMBU PEADA’ 22:11

Minda-minda ungkabudai ma’penaa masero sia minda-minda ma’puduk masokan, naposangmane datu:

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

ZAKHARIA 9:17

Manassa, lendu’ tongan ia kapuana kasalamaranna tu tondok iato, ondongpi lendu’ tongan ia kapuanna kamaballoanna! Iatu gandung umpamaloboran pia muane sia iatu uai anggoro’ ba’ru umpamarumbo pia baine.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YESAYA 50:4

Nakamaseina’ Puangta PUANG kamalutean ma’kada, kumua angku issanni umpakatanai tu to bo’yo’: Napamillikna’ ke melambi’i, sia Napatanan tu talingangku, angku ma’perangi susito mai pia ma’guru.

SARAMBU PEADA’ 5:2

ammu karitutui tu pa’timbang melo, sia nakaduttu’i pudukmu tu kapaissanan.

YESAYA 33:17

La natiro matammu tu Datu situang kamala’biranNa sia la natiro undinna tu misa’ padang mandu kalua’.