PA’PUDIAN 45:11 - Sura' Madatu

¹¹ Perangii, e Lai’, kilalai sia patananni talingammi. Paboko’imi penaa tu bangsami sia to lan banuanna mendadiammi.

PA’PUDIAN 45:11 Referans Kwoze

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

LUKAS 24:52

Sulemi tinde tau lako Yerusalem lendu’ parannunna penaanna.

PA’TENDENG BALLO 1:8

– Iake tae’i muissanni, e iko, tu ma’iringanna maelo dio lu mintu’na baine, pelalanni tu lalan lette’na domba, sia kambi’i tu bembe’ birangmu sikandappi’ tu mai inan to mangkambi’.

FILIPI 3:8

Tonganna mintu’na kusanga karugian nasang, belanna kapaissanan diona Kristus Yesu, Puangku undaoanni tu mintu’na iannato. Bannang dioRi angku perasai karugian dio mintu’na, sia kubilang romon nasang, dikua anNa Kristus kuporongko’,

PA’PUDIAN 45:6

Iatu mai tinaranmi mata’tak! – ba’tu pira-pira bangsa mipatunduk – iatu tinaranmi lendu’ tama banua mintu’ ualinna datu.

ROMA 14:9

Belanna iamira te ianna te anNa mangka mate tu Kristus sia tuo sule, kumua anNa umpuangi la to mate la tu tuo.

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

YOHANES 20:28

Mebalimi Tomas sia nakua lako: O Puangku sia Kapenombangku.

PA’TENDENG BALLO 6:4

Maballoko, e rindungku, susi Tirza, makari’dikko sangtinti Yerusalem, makarama’ susi tuntunan surodadu ma’bandera.

PA’TENDENG BALLO 4:7

Melo tu pa’kaleammu, e rindungku, sia moi sidi’ tae’ sayuammu.

PA’TENDENG BALLO 2:2

– Susito danga-danga lan lu alla’ a’da’ susi dukamoto tu rindungku dio lu mintu’na anak dara.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’TENDENG BALLO 2:14

E dangan-danganku lan lu kasapak buntu batu, membuni lan lu pentirerungan dio lu se’pon buntu batu, melo, ke kutiroi tu kanna pati’mu, melo, ke kuperangii tu gamarammu, belanna la’te lambunna tu gamarammu, sia maballo tu pati’mu.