PA’PUDIAN 45:10 - Sura' Madatu

¹⁰ Ba’tu pira-pira tu lai’na datu tu tama mipobaanan sola anak dara baanammi; sia dio kananmi bendan tu datu baine ma’pakean bulaan tasak dio mai Ofir.

PA’PUDIAN 45:10 Referans Kwoze

KADADIAN 12:1

Ma’kadami tu PUANG lako Abram Nakua: Tassu’ko lan mai tondokmu sia lan mai pa’rapuammu sia lan mai banuanna ambe’mu, ammu male lako tondok tu la Kupakitangko dako’.

MATIUS 19:29

Sia minda-minda tu untampemo banuanna, ba’tu siulu’na muane ba’tu siulu’na baine, ba’tu ambe’na ba’tu indo’na ba’tu anakna, batu pa’lakna tu belanna sangangKu, iamo la ungkabu’tui pessaratu’ manglokkon, sia umpomana’ katuoan tontong sae lakona.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

2 KORINTUS 6:17

Iamoto tassu’komi dio mai to’ to kapere’, sia messarakkomi, susimoto tu kadanNa Puang, sia da mirumbui tu apa maruttak; na Aku umpaalaikomi bilangan,

PA’TOLE 21:13

la nalendokan tu tamangkale napake, tonna dirampa, anna torro lan banuammu sipeupu’ bulan, la untangi’i ambe’na sia indo’na; mangkato mumane ma’din tama ussitammuanni sia umpobainei, anna dadi bainemu.

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.

LUKAS 14:26

Iake to la sae lako Kaleku natae’ nakabiri’ indo’ ambe’na sia bainena sia anakna sia siulu’na muane na baine, ontongrika katuoanna, iato tau iato tae’ nama’din dadi anak gurungKu.

PA’TOLE 33:9

tu napokada diona ambe’na sia indo’na kumua, tae’ kutiroi; iatu siulu’na tae’ natandai sia iatu mai anakna tae’ naissanni. Belanna ungkaritutui kadamMi sia ungkanannangi basseMi.

KADADIAN 2:24

Iamoto anna la untampe ambe’na sia indo’na tu muane anna la’ka’ lako bainena, anna mendadi sangbatang kale sola duai.

KADIBILANGAN 10:30

Apa mebalimi nakua: Tae’ angku male sola, sangadinna la sulena’ lako tondokku sia lako sangdadiangku.

1 DATU 9:28

Rampomi lako Ofir, anna alai inde to dio mai tu bulaan a’pa’ ratu’ nduangpulo talenta, anna baai lako datu Salomo.