PA’PUDIAN 44:4 - Sura' Madatu

⁴ Belanna tae’ natete dio bassi mataranna anna poapai tu padang iato, sia tangia limanna kalena umpopataloi tu tau iato mai, sangadinna tete dio lima kananMi sia takia’Mi sia arrang lindoMi. Belanna naala penaamMi tu tau iato mai.

PA’PUDIAN 44:4 Referans Kwoze

PA’PUDIAN 74:12

Apa iatu Puang Matua iamo Datungku tempon dio mai, tu umpabu’tu kadilendokan lan te lino.

PA’PUDIAN 42:8

Uai saba’ sitambaian, ke mongngo’i mintu’ sarambumMi; mintu’ landa-landa sia bombangMi ussamboimo’.

MARKUS 9:25

Tonna tiroi Yesu tu to buda sirampun dio to’ inan iato, Nasarabaimi tu deata masussuk sia Nakua lako: E deata mamang sia taru, Kusuako mallai dio mai kalena, sia da’mo mutama pole’ sule.

PA’PUDIAN 89:18

Belanna Kamuri tu napomala’bi’ kamatotoranna, sia diona kamasorokamMi amMi pataranggai tu tandukki.

MARKUS 1:41

Maturu-turumi, Nasoronganni tu limanNa, Nakaka’i sia Nakua lako: Kuporai la malekemoko!

MARKUS 1:31

Saemi Yesu untoei, Nabangunanni, napa’de tu lalla’na anna ia tinde baine umparakai.

PA’PUDIAN 149:2

La naposande’ to Israel tu To manampana, sia la sila’tekan tu pia to Sion belanna diona Datunna!

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

KATASSURAN 15:6

O PUANG, mala’bi’ tu lima kananMi diona kamatotoran, O PUANG, lima kananMi unnisak-nisakki tu uali iato.

PA’TOLE 7:8

Apa belanna nakamaseikomi PUANG sia Napalanda’ tu pangallu’Na Napalaoi sumpa lako nene’ to dolomi, iamoto Nasolangkomi tassu’ tete dio lima mawatang sia Nalendokangkomi dio mai inan minii dipokaunan dio mai kuasanna Firaun datu to Mesir,

PA’TOLE 7:19

iamotu kadipandasan kapua, tu mutiro, mintu’ tanda kalle-kallean, mintu’ tanda mangnga, lima mawatang sia takia’ tie’te’; tete dio tu iannato Nanii PUANG, Kapenombammu, ussolangko tassu’. Susimoto la Napogau’ PUANG, Kapenombammu, lako mintu’ bangsa, tu mukataku’.

YOSUA 24:12

Attu iato Kuparampoikomi tabuan balo dio tingayomi, naula’i tu tau iato mai dio mai kalemi, susitu da’dua datu to Amori; tonganna tangiara kandean pa’dangmu ba’tu panamu.

PA’PUDIAN 111:6

Umpapayanmo kuasa penggauranNa lako taunNa, diona kaumpa’benganNa mana’na mintu’ to kapere’.