PA’PUDIAN 44:3 - Sura' Madatu

³ Mangkamo Mirambai tu mintu’ bangsa tete dio kamatotoramMi, amMi panno’ko’i tu nene’ to doloki sondana tau iato mai, mangkamo Mipa’dikki tu mintu’ to sangpetayanan amMi pamakambanni tu nene’ to doloki.

PA’PUDIAN 44:3 Referans Kwoze

YOSUA 24:12

Attu iato Kuparampoikomi tabuan balo dio tingayomi, naula’i tu tau iato mai dio mai kalemi, susitu da’dua datu to Amori; tonganna tangiara kandean pa’dangmu ba’tu panamu.

2 KORINTUS 4:7

Apa iate apa mala’bi’ iato den dio kaleki lan misa’ pa’pannian litak, anna manassa tu kalosongan kuasanna kumua lu dio mai Puang Matua, tangngia lu dio mai kaleki.

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

PA’PUDIAN 77:15

Kamumo tu Puang umpogau’ apa kalle-kallean, sia mangka Mipapayan tu kuasamMi dio lu mintu’ bangsa.

PA’PUDIAN 20:6

La unnarrakkan belanna kapataloammi, sia la umpakendekki’ bandera ussa’bu’ sanganNa kapenombanta. Sangapaoi anNa padenangkomi PUANG tu mintu’na mipalakunna.

PA’TOLE 10:15

Sangadinna ia manna tu nene’ to dolomu Naala penaanNa PUANG sia ia manna tu tau iato Nakamasei, sia kamu, tu bati’na, Natonno’ dio mai mintu’ bangsa, susitu a’ganna allo iate.

KATASSURAN 15:16

Narampoimi kamatakuran sia katirambanan tu tau iato mai, tang tilento ten to batu tete dio takia’ mawatangMi, anna tarru’ bang lumingka tu mintu’ taumMi, o PUANG, anna tarru’ bang lumingka tu mintu’ taumMi, tu Miappa’.

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

PA’PUDIAN 42:5

Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.

PA’PUDIAN 74:11

Ma’apari amMi kondoranni tu limamMi, iamotu lima kananMi? Benanni tu limamMi, amMi sabu’i tu tau iato mai.

PA’PUDIAN 17:7

Pakalle-kalleammi tu tanda mamaseMi, o Puang tu ullendokan to mentirerung dio kananMi dio mai mintu’ to unneai.

PA’PUDIAN 4:6

Pennoloanni tu pesuru’ situru’ tu pato’na, sia patonganNi tu PUANG!

KADIBILANGAN 14:8

Iake naalaki’ penaanNa PUANG, manassa Nabaaki’ tama tondok iato sia Nakamaseangki’, iamotu misa’ tondok sebo pangandu’ sia tani’ enoan.

YESAYA 63:12

Lima mala’bi’Na Narendenanni tu lima kananna Musa sia umpasisarak uai dio tingayona tau iato mai, la umpatulangdanan Kalena misa’ sanga matontongan.

PA’PUDIAN 80:16

Tu pa’tado’ natanan lima kananMi, iamotu muane, Mipeloboran Kalemi.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

2 SAMUEL 7:23

Bangsa umbara tu ma’din dipasangtinti taumMi, iamotu to Israel, tu bangsa sangbua bannang dao te kuli’na padang, tu male Nala’bak Puang Matua nadadi misa’ bangsa lako Kalena, anNa padenani misa’ sanga, anNa pogauranni Puang penggauran kapua sia metakuran, la napomelo tondokMi, dio tingayona mintu’ taumMi, tu Mirampanan dio mai to Mesir sia dio mai mintu’ bangsa sia dio mai mintu’ deatanna.

2 OSSORANNA DATU 20:7

Tae’raka na Kamu tu Kapenombangki, tu mangkamo urrambai dio mai tingngayona to Israel, taumMi, tu tau lan tondok iate, amMi kamaseanni bati’na Abraham, sangmaneMi, anna pomana’i sae lakona?

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

PA’PUDIAN 80:9

Mibuakmo sia Mipalengka’ tu sangto’ anggoro’ dio mai tana Mesir, ammi ula’i lao tu mintu’ bangsa, Mitananni tu kayu iato.

PA’PUDIAN 111:6

Umpapayanmo kuasa penggauranNa lako taunNa, diona kaumpa’benganNa mana’na mintu’ to kapere’.