PA’PUDIAN 44:21 - Sura' Madatu

²¹ Iake moronganna angki tang ungkilalaimo sanganNa Kapenombangki, ba’tu umpatadokan pala’ki lako kapenomban senga’.

PA’PUDIAN 44:21 Referans Kwoze

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

YEREMIA 23:24

Ma’dinraka misa’ tau umbuni kalena lan pembunian, anna tae’ Kutiroi? kadanNa PUANG. Tang umponnoiRa’ka langi’ sola lino? kadanNa PUANG.

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

AYUB 31:4

Tae’raka Napenunui Puang tu lalanku sia tae’raka Naia’i tu mintu’ tengkaku?

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

ROMA 2:16

to ke allo Nanii Puang Matua umpaolai salunna tu mintu’ tangnga’ tang dikita dio tolino, tete dio Kristus Yesu, situru’ tu Kareba-kaparannuan kupa’peissanan.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

AYUB 31:14

apa tu sipatu la kupogau’, ke tunannangi tu Puang Matua ma’penniro sia iake ma’paressal, apa tu sipatu la kupebalian lako?