PA’PUDIAN 44:2 - Sura' Madatu

² O Puang Matua, talingangki kalenamo urrangii, sia nauleleanmo nene’ to doloki: Tu penggauran kapua tu mangka Mipogau’ tonna linona, iamo tonna dolo-dolona.

PA’PUDIAN 44:2 Referans Kwoze

KATASSURAN 15:17

Kamu ussolanni tama tu tau iato mai, amMi patunannangi dao buntu mana’Mi; o PUANG, dio inan Mipadadi kao’koramMi, dio inan maindan, tu Mipabendan, o Puang.

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

2 SAMUEL 7:10

Sia la Kupamanassan misa’ inan tu taungKu, to Israel, Kupamari’pii inde to, kumua anna torro dio inan manassa, da nadipatiramban lu lako lu dio mai sia da duka napakario-rioi to bulituk, susi tonna dolona,

YOSUA 21:43

Susimoto tu PUANG ungkamasean to Israel mintu’ padang, tu umpalao sumpa unnallu’i lako nene’ to dolona; naalami napomana’ tau iato mai sia nanii ma’tondok.

YOSUA 11:23

Mintu’ tondok iato natalo nasang Yosua situru’ tu mintu’ Napokadannamo PUANG lako Musa, napa’benganni Yosua lako to Israel la napomana’ situru’ tu bilanganna tu mai sukunna. Marampa’mi tu tondok dio mai tananan ra’.

PA’PUDIAN 105:44

Naba’gi tondokna ba’tu pira bangsa tu tau iato mai, anna pomana’i tu kara’tasanna to sangpetayanan.

YOSUA 24:12

Attu iato Kuparampoikomi tabuan balo dio tingayomi, naula’i tu tau iato mai dio mai kalemi, susitu da’dua datu to Amori; tonganna tangiara kandean pa’dangmu ba’tu panamu.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

YOSUA 10:11

Iatonna mallaimo tu tau iato mai dio mai tingayona to Israel sia umpolalanmo mennaa’na Bet-Horon, Naurannimi PUANG batu kapua dao mai langi’ sae lako Azeka, namate tu tau iato; iatu to mate narua batu mandu buda na iatu to napatei pa’dang to Israel.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

PA’TOLE 7:1

Iake mangkamoko Nasolan PUANG, Kapenombammu, tama tu tondok, tu la munii rampo la muala, mupoapai, sia iake mangkami Naula’i tu mai bangsa buda dio mai tingayomu, iamotu to Het, to Girgasi, to Amori, to Kanaan, to Feris, to Hewi sia to Yebus, den pitu bangsa, tu marapuan sia makuasa na iko;

KADIBILANGAN 13:32

Napalele kadake dukami tu kareba dio lu to Israel diona tu tondok mangka naparessa sia ma’kada nakua: Iatu tondok mangka kiola lendu’ angki paressai, tondok iato unnampello’ to torro lan, sia iatu mintu’ to kitiro dio tu mandu malangka’.

KATASSURAN 34:11

La mukaritutui tu apa Kupepasanan lako kalemu allo iate. Manassa la Kurambai dio mai tingayomu tu mintu’ to Amori sia to Kanaan sia to Het sia to Feris sia to Hewi sia to Yebus.

KATASSURAN 23:28

Sia la ussuaNa’ tabuan balo undoloangko anna ula’i tu mintu’ to Hewi sia to Kanaan sia to Het dio mai tingayomu.

KATASSURAN 15:19

Iatonna saemo tu mintu’ darangna Firaun sola karetana sia pakkanarangna tama tasik, Napalolong sulemi PUANG tu uai tasik lako tau iato mai, apa iatu to Israel unnola karangkean lan tangnga tasik iato.

KATASSURAN 10:2

Sia ammu potuleranni lako mintu’ ampo bati’mu tu apa Kuparampo untelle to Mesir sia mintu’ tanda mangnga tu Kupaden dio lu tau iato mai, ammi issanni, kumua Akumo tu PUANG.

PA’TOLE 4:38

la urrambai dio tingayomu tu mai bangsa tu kapua sia kuasa na kalemu, sia la ussolangko tama tondokna sia la Nabenko mupotaa mana’i, susitu a’gammu te allo iate.

PA’TOLE 32:7

Kilalai tu attu lendu’mo ingaranni tu taun pura disiosso’i; pekutananni lako ambe’mu, anna ia umpaissanniko, sia to matua-tuammu, anna ia umpokadangko.

TO PARENGNGE’ 6:13

Apa ma’kada tu Gideon lako nakua: O puangku, iake Narondongkan PUANG, ma’apai anna rampoimokan te mintu’na te? Umbamira tu tanda mangnga tu nauleleangkan nene’ to doloki, tu nakua: Tang PUANG raka ussolangkan lan mai Mesir? Apa totemo Nasualemokan PUANG sia Nasorongmokan tama limanna to Midian.

2 SAMUEL 23:12

bendanmi lan tangnga pa’lak iato, napangeai tu pa’lak iato, anna taloi tu to Filistin. Napadenmi PUANG misa’ kapataloan kapua.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

YEREMIA 32:23

Apa iatonna tamamo tu tau iato mai sia untarimai la napomana’, tae’ naperangii tu gamaramMi sia tae’ naturu’i tu Sukaran alukMi; moi misa’ tu mintu’ pepasanMi lako kalena tae’ napogau’i; iamoto Miparampoi kamandasan tu tau iato mai.