PA’PUDIAN 44:19 - Sura' Madatu

¹⁹ Tae’ natibalik tu penaangki, sia iatu tengkaki tae’ nasepang dio mai lalanMi.

PA’PUDIAN 44:19 Referans Kwoze

PA’PUDIAN 23:4

Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

AYUB 3:5

Kenna poapa ori kamalillinan sia kapittukan tu allo iato, kenna situtu’iori salebu’ makamban, anna patirambanni bosinna allo.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

PA’PUDIAN 51:8

Tonganna Mianga’ tu kamanapparan lan ba’teng sia lan lu tang dikitanna Minii umpasomboanna’ kakinaan.

KADA OMBO’ LAKO RASULU’ YOHANES 16:10

Na iatu malaeka’ ma’pellimanna umbolloan gori-gorinna rokko isunganna olo’-olo’ iato, nakalillinan tu kadatuanna, anna pantan ungkeke’-keke’ lilana, belanna mapa’di’,

KADA OMBO’ LAKO RASULU’ YOHANES 13:2

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.

KADA OMBO’ LAKO RASULU’ YOHANES 12:9

Dipembuangammi tu naga kapua, iamo ula’ tua, tu disanga deata patua’ ba’tang sia deata masussuk, tu umpapusa mintu’ issinna lino. Dipembuangammo tama lino sia mintu’ baananna dipembuangan dukamo sola.

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

YEHEZKIEL 29:3

Ma’kadako mukua: Inde sia tu kadanNa Puangta PUANG, Nakua: Manassa la Kulaoiko, Firaun, datu Mesir, ikomo naga mawatang, sumpandan lan tangnga messarakna salu Nilmu, tu ma’kada kumua: Aku puangna tu messarakna Nilku, sia aku kalena umpadadianni kaleku.

YESAYA 35:7

Attu iato padang bungin malallang la membali limbong sia padang ba’ta’ la membali kalimbuang; na dio inan nanii serigala la natuoi riu sola tille sia tuyu.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

PA’PUDIAN 38:8

Belanna mapa’dik tu aakku, sia makuyu langkan tu kaleku.

AYUB 30:29

Naposiulu’na’ serigala, sia naposolana’ burung unta.

AYUB 23:11

Iatu tengkaku tontong unturu’ bate lalanNa Puang, kuturu’ tu lalanNa tang sumepang len.