PA’PUDIAN 44:18 - Sura' Madatu

¹⁸ Mintu’nate urrampoimokan, apa tae’ duka sia angki tangungkilalaiKomi, sia tae’ angki tang lantuk diona basseMi.

PA’PUDIAN 44:18 Referans Kwoze

PA’PUDIAN 119:51

Lendu’ natelle-telleku to matampo, apa tae’ angku sepang dio mai sukaran alukMi.

PA’PUDIAN 119:157

Buda tu tau unnula’ sumpuna’ sia unneana’, apa tae’ angku lesangi tu kasa’biamMi:

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

PA’PUDIAN 78:57

Sangadinna sorong boko’ sia tang mana’pa’ susito dolona, sia tipero’ susi tinaran pasala.

1 KORINTUS 15:58

Iamoto, e kamu siulu’ pa’kaboro’ku, batta’komi da naleluk penaammi, sia bassa’komi umpengkali-kalii mengkarang lan pengkaranganNa Puang, belanna miissan kumua iatu kamara’tasammi tae’ nala torro sala lan Puang.

LUKAS 17:32

Pengkilalai tu bainena Lot!

YEREMIA 11:10

Tibalikmo tu tau iato mai lako kakadakeanna nene’ to dolona, tu mengkailing umperangii kadangKu, sia menturu’ lako tu deata la umpenombai; iatu to Israel sia to Yehuda umpokamo basseKu, tu Kutanan Kusibassei nene’ to dolona.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

AYUB 34:27

belanna sorong boko’mo dio mai Kalena, sia moi misa’ tu lalanNa, tae’ napalan penaai,

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

1 TESALONIKA 2:10

Kamu ungkanassai sia Puang Matua duka, tumba masallo’na sia malambu’na sia tang sayuanna tu gau’ki lako kamu ma’patonganna.