PA’PUDIAN 43:1 - Sura' Madatu

¹ O Puang Matua, sanda tongannina’ sia paolaina’ salunna, umbali misa’ bangsa tang mekaaluk; lendokanna’ dio mai to patua’ ba’tang sia to kelok.

PA’PUDIAN 43:1 Referans Kwoze

PA’PUDIAN 35:1

Pa’pudianna Daud. O PUANG, ualii tu to unnualina’, sia rarii tu to urrariina’.

PA’PUDIAN 26:1

Pa’pudianna Daud. O PUANG, sanda tongannina’, belanna lolang malolomo’, sia lantukna’ ungkatappa’i PUANG.

PA’PUDIAN 7:8

Melo ke natalimbungKomi kombong kalua’na mintu’ to sangpetayanan, sia unnisungKomi langnganna tau iato mai dao inan dipalayuk.

PA’PUDIAN 35:24

O PUANG, o Kapenombangku, paolaina’ salu sitinaya kamaloloamMi. Da anna poparannui tau iato mai tu diona a’gangku.

1 SAMUEL 24:15

Mindara tu nalaoi datu to Israel? Mindara tu naula’ puangku? Misa’ asu mate sia misa’ talla!

PA’PUDIAN 71:4

o Puang Matua, rampananna’ dio mai limanna to tang mekaaluk, dio mai lisu pala’na to patua’ ba’tang sia to kelok.

PA’PUDIAN 5:6

Iatu to matampo tae’ nabelai bendan dio oloMi sia Mikabiri’ tu mintu’ to umpogau’ kakelokan.

MIKHA 7:9

Iatu aku untanggung kare’dekan ara’Na PUANG – belanna umpogau’na’ kasalan lako kaleNa – sae lako nasanda tongannina’ lan kara-karaku sia Napasirundunan tu salunna lako kaleku. La Napatassu’na’ lako masiang; sia la kutiro kumua umba Nakua umpogau’i tu kamaloloan.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.

1 KORINTUS 4:4

Belanna moi misa’ tae’ kuissan tu sala dio kaleku; apa iatu iannato tae’pa kudibilang malolo, sangadinna iatu umpaolaina’ salunna Iamotu Puang.

SARAMBU PEADA’ 23:11

Belanna iatu Tomangla’bakna matoto’; sia la Napebalii tu kara-kara unneako.

SARAMBU PEADA’ 22:23

Belanna PUANG la umpebalii tu kara-karana, sia la urrampai tu sunga’na tu to urrampa apanna tau iato mai.

PA’PUDIAN 75:7

Belanna tang lu dio mai matallo, tang lu dio mai matampu’, ba’tu lu lo’ mai padang aak nanii bu’tu kama’pakalayukan.

2 SAMUEL 16:20

Ma’kadami Absalom lako Ahitofel, nakua: Pada la umpatassu’mokomi pa’timbangammi tu apa sipatu la tapogau’.

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

2 SAMUEL 18:8

Sakerangan-rangannami tu rari dio lu mintu’ padang iato, naurungan allo iato mintu’ tu tau nasanggang pangala’ mandu buda na iatu to nakande pa’dang.

PA’PUDIAN 7:7

Ke’de’moKomi, o PUANG, situang kasengkeamMi, bendanKomi umbali kamare’dekanna mintu’ ualingku, mainga’Komi untunduina’, belanna ungkaritutuiKomi katonganan.

PA’PUDIAN 7:9

PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

PA’PUDIAN 54:3

Lendokanna’, o Puang Matua, tete dio sangamMi, sia sanda tongannina’ tete dio kuasamMi.

PA’PUDIAN 140:5

O PUANG, rinding pala’na’ dio mai limanna to tang mekaaluk, sia kulambu tarunona’ dio mai to masa’ga’, tu morai la umpatilende’na’.