PA’PUDIAN 42:5 - Sura' Madatu

⁵ Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

PA’PUDIAN 42:5 Referans Kwoze

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 61:2

Perangii, o Puang Matua, tu pengkamoyaku, sia palan ara’i tu passambayangku.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

PA’PUDIAN 56:3

Mintu’ ualingku ullullu’na’ kiallo-kiallo, belanna buda tu tau urrariina’ situang kamatampoanna.

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.

KADIBILANGAN 6:26

na PUANGmora umpatiroangkomi lindo masokanNa sia umpasiriakomi kamarampasan.

AYUB 13:15

Moi Namorai tu Puang umpateina’, tontong duka kurannuan; ondongpi iatu gau’ku moraina’ untongananni dio oloNa.

PA’PUDIAN 71:14

Apa la tontongna’ marannu, sia la kupasakendek-kendeknapa tu kadipudi-pudianMi;

PA’PUDIAN 56:11

Lako Puang Matua – la kupudi tu kadanNa –, lako Puang – la kupudi tu kadanNa –

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

PA’PUDIAN 77:3

Iatongku pussak undaka’mo’ Puang, sia ia duka kebongi tang mata’ka’na’ umpatado pala’ku, sia tang pakatana-tananna tu penaangku.

PA’PUDIAN 44:3

Mangkamo Mirambai tu mintu’ bangsa tete dio kamatotoramMi, amMi panno’ko’i tu nene’ to doloki sondana tau iato mai, mangkamo Mipa’dikki tu mintu’ to sangpetayanan amMi pamakambanni tu nene’ to doloki.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

PA’PUDIAN 35:14

Iatu gau’ku lako susi lako sangmaneku ba’tu siulu’ku; tukkuna’ ma’pote dibolong, butung to untingayo pandana mendadianna.

MATIUS 26:38

Nakuami Yesu lako tinde mai tau: Lendu’ masussanna penaangKu kari’ la mateMo’ Kusa’ding; torromokomi indete anta maroya sola.

PA’PUDIAN 38:6

Mintu’ bangkeku bubosi sia ma’nana, natumang kabagangku.

YESAYA 30:29

Apa dio kalemi den pa’pudi-pudian butung to bongi dinii umpakaraya pa’gauran sia iatu kasendean penaa susito ma’lengkoan unturu’ oni suling, la lu lako buntunNa PUANG, lako Buntu batunna to Israel.