PA’PUDIAN 42:4 - Sura' Madatu

⁴ Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 42:4 Referans Kwoze

YESAYA 30:29

Apa dio kalemi den pa’pudi-pudian butung to bongi dinii umpakaraya pa’gauran sia iatu kasendean penaa susito ma’lengkoan unturu’ oni suling, la lu lako buntunNa PUANG, lako Buntu batunna to Israel.

PA’PUDIAN 122:1

Nanian Hamaa’lot’. Pa’pudianna Daud. Sende tu batu ba’tangku, tonna kuanna’ tau kumua: Maiko talao lako banuanNa PUANG.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

NAHUM 1:15

Tiromi dao buntu tu lette’na to umpa’pekareban kaparannuan, tu umpatumale’ kasalamaran. Pakarayai, e Yehuda, tu pa’gaurammu, pasundunni tu mintu’ pangallonammu! Belanna iatu to bulituk tae’mo nala lendu’ dio tondokmu, saba’ mangka nasangmo disabu’i.

PA’PUDIAN 100:4

Unnola tamakomi babanganNa situang pa’kurre sumanga’, sia tamakomi tarampakNa sitonda pa’pudi-pudian, la mipudi sia la mipakala’bi’ tu sanganNa!

PA’PUDIAN 55:14

Sangadinna iko, misa’ to kupadan, iamo sangmuane kukatappa’i,

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

BATING 2:19

Millikko ammu sumarro ke bongi, ke randukoi pa’kampan, barrakanni tu penaammu susito uai dio oloNa Puang, popempala’i tu limammu langngan Puang belanna sunga’na anakmu, tu ma’ipu napobua’ katangdiaran dio lu mintu’ kasepangan lalan.

AYUB 29:2

A’a, kengku susiopara tonna bulan dolo, susi tonna allo nanii Puang Matua ungkaduttu’na’;

2 OSSORANNA DATU 7:10

Iatonna allo ma’penduangpulona ntallu bulan ma’pempitu, naelorammi datu tu to buda sule lako tendana, siparannu-rannu sia matana penaa diona kameloan Napogau’ PUANG lako Daud sia Salomo sia lako to Israel, taunNa.

RUT 1:21

Ganna’na’ tongku male, apa Napalo’bangmo’ PUANG sule. Ma’apai ammi la ussangaina’ Naomi, na PUANG tu titanan sa’bi unneana’ sia To umpoissan angge maritik tu umparampoina’ kamandasan.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

BATING 4:1

Ma’patumbai tu bulaan namalottongmo. Anna tang pandillakmo tu bulaan massang! Iatu mai batu maindan tisambo’mo dio lu mintu’ kasepangan lalan.

2 DATU 18:30

Sia da nanarankomi Hizkia la urrannuan PUANG, kumua: Manassa PUANG la ullendokangki’, naurunganni iate kota iate tae’ nadisorong tama kuasanna datu to Asyur.

2 DATU 18:32

Sae lako kasaeangku umpalelekomi lako misa’ padang tu susi padangmi, iamotu misa’ padang sebo gandungna sia uai anggoro’ ba’runna, misa’ padang sebo rotinna sia pa’lak anggoro’na, misa’ padang sebo kayu saitunna sia minna’na sia tani’ enoanna, kumua ammi tuo, da mimate. Apa da miperangii tu kadanna Hizkia, belanna napapusakomi, tu nakua: PUANG la ullendokangki’.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 80:6

Uai mata mannamo Mibenni napotuo, ondongpi uai mata mannamo Mipamosoanni nairu’.

PA’PUDIAN 102:10

Belanna ungkandena’ au butung bo’bo’, sia kuto’bo’ uai mata tu kuiru’na,

PA’PUDIAN 115:2

Ma’apari anna la sumura tu mintu’ to kapere’ kumua: Umbamira tu Kapenombanna?

PA’PUDIAN 122:8

Bannang dio le’to barra’ku sia polo kaindi’ku, angku la ma’kada kumua: Sangapaoi anna torroiko kamarampasan!

YEHEZKIEL 46:10

Na iatu arung la naparitangnga tau iato mai, ke malei tama, sia iake tassu’i tu tau iato mai, la tassu’ duka.

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?