PA’PUDIAN 42:2 - Sura' Madatu

² Susi donga ungkabarii salu, ten dukamoto tu penaangku ungkamali’Komi, o Puang Matua.

PA’PUDIAN 42:2 Referans Kwoze

PA’PUDIAN 63:1

Pa’pudianna Daud tonna dio padang aak, lili’na Yehuda.

PA’PUDIAN 84:10

O Puang Matua, balulang toto’ki, tiroi sia mantai tu rupanna to ditokkoMi.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

YOHANES 7:37

Iatonna allo tampaknamo, tonna matannamo tu pa’gauran, ke’de’mi tu Yesu, Napemandui ma’kada Nakua: Iake denni tau ma’rang, nasae lako Kaleku, namangiru’.

PA’PUDIAN 84:2

Tangpada mala’bi’na tu banuamMi, o PUANGna mintu’ ma’dandan maritik!

PA’PUDIAN 84:4

Ia duka tu dena’ ungkabu’tuimo inan nanii, sia iatu kaluppini’ den serangna, napannai anakna, sikandappi’ inan pemalaran lako Kalemi. O PUANGna mintu’ ma’dandan maritik, o Datungku sia Kapenombangku.

PA’PUDIAN 43:4

Angku rampo lako to’ kapemalaranNa Puang Matua, lako Puang Matua, tu oto’na kaparannuan sia kasendeangku, angku ma’katapi umpudiKomi, o Puang Matua, o Kapenombangku!

AYUB 23:3

A’a, kengku kabu’tui tu Puang, kengku lambi’ori tu inan layukNa!

YEREMIA 2:13

Belanna napogau’mo taungKu tu da’dua penggauran kadake: Iatu Aku, kalimbuang boba, tu natampemo tau iato mai, anna paran bubun batu kalena, iamotu bubun batu rutu’, tu tang nanii sampe uai.

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

YOHANES 5:26

Belanna susitu Ambe’ den katuoan lan Kalena, ten dukamoto Napa’kamasean lako Anak naden katuoan lan Kalena.

PA’PUDIAN 84:7

Iake unnolai lombok rangke natuoi tallubeke, nabilang kumua padang nasitutu’i kalimbuang boba, sia nasakka’i rongko’ bunga’ uran.

KATASSURAN 23:17

Lan sangtaun la pentallun tu taummu muane umpennoloi Puangmu PUANG.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

PA’PUDIAN 63:3

Susimoto la kunii umpenunuKomi lan inan kabusungan, la untiro kuasamMi sia kamala’biramMi.

YESAYA 26:8

Susi dukato dio lalan ukungamMi kipeagi bangkomi, o PUANG; mamali’ bang tu penaangki lako sangamMi sia lako kadikilalaiamMi.