PA’PUDIAN 42:11 - Sura' Madatu

¹¹ Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

PA’PUDIAN 42:11 Referans Kwoze

PA’PUDIAN 42:5

Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

YEREMIA 33:6

Tonganna la Kupasikemun tu bangkena sia la Kupamondo sia la Kupamatana tu tau iato mai sia la ungkamaseanni kamakarimmanan sebo tu tae’ upu’na.

YEREMIA 30:17

Belanna Aku la umpamalekeko sia umpamondoi tu bangkemu, kadanNa PUANG, tu belanna nasangaiko tau to ditibe, e Sion, tu moi misa’ tau tae’ umpekutananni.

PA’PUDIAN 43:5

Ma’apai ammu ma’dosso-dosso, e deatangku, sia apara bannangna ammu ma’rundede lan kaleku? Rannuanni tu Puang Matua, belanna inang la kupudipa, tu To ullendokanna’ sia Kapenombangku!

MATIUS 9:12

Iatonna rangii Yesu te kada iate, Nakuami: Tae’ naanga’i to maleke tu to ma’dampi, sangadinna to masakiri.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

PA’PUDIAN 102:9

Kiallo-kiallo nabe’sena’ mintu’ ualingku, sia mintu’ tu to sumadang-madang lako kaleku, unggatai tau, umpotandaran kada sangangku;

PA’PUDIAN 115:2

Ma’apari anna la sumura tu mintu’ to kapere’ kumua: Umbamira tu Kapenombanna?

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?