PA’PUDIAN 42:10 - Sura' Madatu

¹⁰ La kukua lako Puang Matua, buntu batungku susite; ma’apari amMi tang kilalaimora’? Ma’apari angku lolang ma’pote dibolong, belanna pa’pakario-riona mintu’ ualingku?

PA’PUDIAN 42:10 Referans Kwoze

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?

LUKAS 2:35

ondongpa butung misa’ la’bo’ la ungkandeko tarru’ sae tama inan penaammu kumua, anna buda tau tibungka’ penaanna.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

SARAMBU PEADA’ 12:18

Iatu tau ma’kada punala bang, patossok susi tobok, tu kadanna, apa iatu pudukna to kinaa umpaden kamatanan.

PA’PUDIAN 43:2

Belanna Kamumo Kapenomban pentirerungangku; ma’apari amMi tibemora’? Ma’apari angku lolang ma’pote dibolong, belanna pa’pakario-riona ualingku?

PA’PUDIAN 55:4

Napobua’ angnga’na ualingku, sia pa’pakario-riona to tang mekaaluk, belanna nabala’-bala’na’, sia napandasana’ situang kamare’dekanna.

BATING 5:20

Ma’apai amMi tontong tang ungkilalaikan, sia ma’apai amMi tampe tarru’kan sae lakona?