PA’PUDIAN 41:9 - Sura' Madatu

⁹ Le’ke’ misa’ saki tang dampi-dampian lako kalena, iamoto totemo mamma’mo anna tae’mo nala malimbangun sule.

PA’PUDIAN 41:9 Referans Kwoze

YOHANES 13:18

Ia sia Kuma’kada tangia diona kamu sola nasang, belanna Aku te Kutandai minda tu Kupilei. Apa dikuari anna sundun tu lanna Sura’ Madatu, tu Nakua: Iatu to Kusolan kumande, untitti kambutu’na unneaNa’.

MATIUS 26:23

Mebalimi Yesu Nakua: Na tu to Kusangbarasan unnoton limangKu rokko pindan, iamoto tu la umpa’peturoanNa’.

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

AYUB 19:19

Iatu mintu’ to kusikaduluran nakasorromo’; sia iatu to kuala mase nasuleimo’.

OBAJA 1:7

Mintu’ solamu musibassean ussuako sorong boko’ lako katonan tondok, sia mintu’ sangmuanemu umpakenako sia ussau’ko, sia iatu musolan kumande untananniko poya, tae’ tu tangnga’ kinaanna.

MIKHA 7:5

Da’mo mipatonganni tu solami, da’mo mikatappa’i tu sangmanemi; kanandai tu pudukmu lako tu baine mamma’ diong riammu.

2 SAMUEL 15:12

Iatonna la untunumo pemala’ tu Absalom, mesuami untambai Ahitofel, to Giloni, ada’na Daud, sae dio mai Gilo, tondokna. Iatu kasipakulu-kuluan salangngan-langnganna, na iatu to unturu’ Absalom sabuda-budannamo.

AYUB 19:13

Iatu siulu’ku Napatoyang dio mai kaleku, sia iatu a’ganna sitandangku susi to mambela lako kaleku.

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.

PA’PUDIAN 101:3

Tae’ angku la untangnga’ len penggauran megi’giran; sia kusayu pallan tu penggauranna to sorong boko’. Inang tae’ anna la’ka’ lako kaleku tu iannato.