PA’PUDIAN 40:6 - Sura' Madatu

⁶ O PUANG Kapenombangku, budamo tu mintu’ penggauran kalle-kalleamMi mangka Mipogau’, sia mintu’na Mipondokangkan, tu kipomelona; tae’ misa’ apa ma’din dipasangtintiangKomi. Iake la kurundunanni sia la kupokadai, tang dikemba’mo dibilang.

PA’PUDIAN 40:6 Referans Kwoze

YESAYA 1:11

Apara gai’na lako Kaleku tu kabudanna pemala’ pangrere’mi? kadanNa PUANG; nabossaMo’ tu mai pemala’ domba laki ditunu pu’pu’ sia iatu mai lompona anak sapi dipelompoi. Tae’ angKu kaduangi rara sapi laki ba’tu domba, ba’tu bembe’ laki.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

PA’PUDIAN 51:16

Lendokanna’ dio mai indan rara, o Puang Matua, Puang Matua oto’na kasalamarangku, la napopela’tek lilaku tu kamaloloamMi.

HOSEA 6:6

Belanna nakalo’ penaangKu tu kamamaliran, tangia pemala’ pangrere’; sia kapaissanan diona Puang Matua, tangia pemala’ ditunu pu’pu’.

MATIUS 12:7

Apa iake miissanmi battuananna te kada iate kumua: Kamamaseanri tu Kukamorai, tangia pemala’, manassa tae’ mipasalai tu to tang kasalan,

AMOS 5:22

Ondongpi, moi ammi pennoloan pemala’ ditunu pu’pu’ lako Kaleku, sia kande dipemalarammi, tae’ kuporai sia iatu pemala’ kasalamarammi, iamotu sapi malompo inang tae’ duka Kula untiroi.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

AYUB 33:16

attu iato Napalidan Puang tu talinganna ma’rupa tau, sia Naca’ tu pa’pakilala Naparampo lako tau iato,

PA’PUDIAN 50:8

Tang bannang diora pemala’mu Kunii untarru’iko, belanna iatu pemala’ ditunu pu’pu’mu tontong bang dio oloKu.

KATASSURAN 21:6

la napopengkareke’ puangna lako oloNa Kapenomban, mangkato nabaai lako to’ ba’ba banuanna ba’tu to’ ampang ba’bana, anna tossokki panusuk puangna tu talinganna, anna dadi pa’kurinanna angge tuona.

AYUB 5:9

Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

PA’PUDIAN 71:15

La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.

PA’PUDIAN 139:17

O Puang Matua, lendu’ ia kapuana gai’na lako kaleku tu mai lalan tangnga’Mi. Sia tang dikemba’ dibilang.

PA’PUDIAN 139:18

Iake la kubilangi mandu buda ia anna karangan; sia iake millikna’, tontong bangpoKomi kupalan penaa.

YESAYA 25:1

O PUANG tu Kapenombangku: Kamumo tu la kupakala’bi’, la kupudi-pudi tu sangamMi, belanna umpogau’moKomi apa kalle- kallean, mintu’ tu apa Mipondok tempon dio mai. Mipalolang malambu’mo sia maruru’.