PA’PUDIAN 40:3 - Sura' Madatu

³ Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

PA’PUDIAN 40:3 Referans Kwoze

PA’PUDIAN 33:3

PenanianNi Puang tu sengo ba’ru, pemellongi tu dedekna sia pemandui.

PA’PUDIAN 52:6

Muporai ussa’bu’ kada mesanggangi sia muporai tu sadang mo’rang.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

PA’PUDIAN 144:9

O Puang Matua, la kupenaniangKomi misa’ nanian ba’ru, sia la kupakendekangKomi pa’pudian kupasibarrung dandi sangpulo ritinna,

PA’PUDIAN 35:27

Melo ke mela’tekki sia sende paimanni tu mintu’ to umporai tu kaunnolaiangku salu; sia la tontong napokada kumua: Kapua paanNa tu PUANG. Tu umporai taunNa ke unnappa’i kasalamaran.

PA’PUDIAN 142:7

Parinaai tu pengkamoyaku belanna tang pakulle tonganmo’; rinding pala’na’ dio mai mintu’ to unnula’ sumpuna’, belanna nasau’na’ tau iato mai.

PENGGAURANNA RASULU’ 4:4

Apa budamo tu tau urrangii tu kada iato ma’patongan; iatu muane agi-agi limangsa’bu.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

PA’PUDIAN 27:5

Belanna iake nalambi’na’ kamaparrisan Napalanna’ barungNa, sia Narerungna’ lan ongan tendaNa, Napakendekna’ langngan buntu batu.

PA’PUDIAN 37:23

PUANG umpabantang lalanna tau, tu to Naporai tu tengka-tengkana.

PA’PUDIAN 69:3

Tammanna’ rokko buka mandalan, tu tae’ makarra’na dinii mellese; sia tallanna’ rokko liku mandalan, tu nanii ungkabu’na’ uai.

PA’PUDIAN 119:133

Pabantangi tu mintu’ tengkaku situru’ pangallu’Mi, sia da anna den kakadakean umparentana’.