PA’PUDIAN 40:11 - Sura' Madatu

¹¹ Iatu kamaloloamMi tae’ kubuni len lan penaangku, sangadinna kupokadamo tu kamarurusamMi sia kamakarimmanan lu mai Kalemi, tae’ kusamboan lenni tinimbu malambe’ tu kamasokanamMi sia kamanapparamMi.

PA’PUDIAN 40:11 Referans Kwoze

PA’PUDIAN 43:3

Pasonglo’mi tu maseroMi sia kamanapparamMi; anna anta’na’, sia umbaana’ langngan buntu maseroMi, sia lako inan Minii torro,

PA’PUDIAN 23:6

Inang manassa tontongna’ nasa’pi’ kameloan sia kamasokanan angge tuoku, sia la torrona’ lan banuanNa PUANG tontong sae lakona.

PA’PUDIAN 57:3

Meongli’na’ lako Puang Matua, Puang Patodoranna, lako Puang Matua, tu umpasundunanna’ mintu’ apa.

SARAMBU PEADA’ 20:28

Kamamasean sia kamarurusan ungkarimmanni datu, sia tete dio kamamasean anna pabantangi tu isungan kapayunganna.

PA’PUDIAN 69:16

da dikka’ nakabu’na’ uai saba’, sia da naorrosanna’ uai mandalan sia da nakemunna’ liku mandalan.

PA’PUDIAN 61:7

Sangapaoi amMi pamalambe’i tu sunga’na datu, anna tiro lanto mimi’na.

PA’PUDIAN 69:13

Mintu’ to ma’ misa-misa dio to’ babangan tondok ungkada-kadaina’, sia Naposengona’ to pangirusan.

PA’PUDIAN 85:10

Manassa iatu kamakarimmanan lu dio mai Kalena marengke’ lako mintu’ to ungkataku’I. Naurunganni tonang tu kamala’biran lan tondokta.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

PA’PUDIAN 89:2

La tontongna’ sae lakona umpopenanian tanda mamaseNa PUANG, sia iatu kamarurusamMi napa’peissanan tongka’ dililaku landa’ lako disituran-turananni.