PA’PUDIAN 40:10 - Sura' Madatu

¹⁰ Kupa’peissanammo tu kareba kaparannuan lan kombongan kalua’ iamotu diona kamaloloamMi; manassa tae’ kutampun pudukku. O PUANG, Miissan tu iannato.

PA’PUDIAN 40:10 Referans Kwoze

PA’PUDIAN 34:6

Iatu tau iato mai mentingara langngan Puang, anna mabaliga’ tu lindona belanna parannu, sia iatu lindona tae’ natodingi siri’.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

1 TIMOTIUS 1:15

Manappa’ te kada iate sia sipatu tongan ditarima, tu nakua: saemo tu Kristus Yesu tama te lino ungkarimmanni to kasalan; na iatu mintu’na tau iato, akumo tu losongna kasalan.

1 TESALONIKA 1:8

Belanna diomo mai kalemi nanii tiranda tu kadanNa Puang, tae’ anna dio manna Makedonia sia Akhaya, sangadinna lan mintu’ inan naniimo kalelean kapatonganammi langngan Puang Matua, naurunganni tae’mo namanggi’ la kipokada tu apa diona to.

FILIPI 3:9

sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

ROMA 10:3

Tu belanna tang ussanga kamaloloanNa Puang Matua, sia belanna la morai umpabendan kamaloloanna kalena, tae’ namengkaola lako kamaloloanNa Puang Matua.

LUKAS 3:6

sia mintu’na ma’rupa tau la untiro kasalamaran dio mai Puang Matua.

MIKHA 7:20

La Mipatiroan Yakub tu kamarurusan sia kamasokanan lako Abraham, susitu sumpaMi dolo-dolona lako nene to doloki.

YEHEZKIEL 2:7

Apa la mupokada nasang lako tu kadangKu, ke la morai untananni talinga, ba’tu tae’i, belanna tau iato mai to pabali-bali.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

PA’PUDIAN 89:1

Misa’ gelong bangunan ada’na Etan, to Ezrahi.

PA’PUDIAN 25:10

Mintu’ lalanna PUANG iamo kamaturu-turuan sia kamarurusan, lako to ungkaritutui basseNa sia mintu’ kasa’bianNa.

YOHANES 1:17

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

PA’PUDIAN 75:9

Belanna lan limanNa PUANG den tu irusan nanii uai anggoro’ re’de-re’de, tu ponno anggoro’ dibuli; sia Ia untua’i lan mai, apa mintu’ tu to tang mekaaluk lan lino ummimmi’i tu garoppa’na anna iru’i.