PA’PUDIAN 4:4 - Sura' Madatu

⁴ Apa la miissan kumua iatu PUANG mangkamo umpamarimbanganni Kalena tu misa’ to Naporai; la Natanannina’ talinga PUANG, ke meongli’na’ lako Kalena.

PA’PUDIAN 4:4 Referans Kwoze

EFESUS 4:26

Iake sengkekomi, da anna pabu’tu kasalan; da ammi nanna kasengkeammi sae lako lambunna allo.

PA’PUDIAN 77:6

Kukilalaimi tu attu mangka diboko’, sia mintu’ taun malaunmo.

SARAMBU PEADA’ 3:7

Da musande’ lako kakinaammu, sangadinna kataku’i tu PUANG sia patoyangko kalemu dio mai kakadakean,

PA’PUDIAN 63:6

Iatu deatangku butung la dipedia’i sanda mammi’na sia malompona. Sia iatu randan dipudukku la mela’tek umpudiKomi.

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

2 KORINTUS 13:5

Paressa kalenai tu kalemi, ba’tu lan siakomi kapatonganan, ontongpi sudi kalenai tu kalemi. Ba’tu tae’raka miissanni kumua Narondongkomi Yesu Kristus? Bokoranna ke attangangkomi.

PA’PUDIAN 33:8

Mintu’ lili’na lino la ungkataku’ PUANG, sia mintu’ issinna lino la ungkabangnga’I.

AYUB 28:28

apa lako tolino ma’kada Nakua: Manassa iatu kamatakuran lako Puang – iamo kakinaan sia toyang dio mai kakadakean, iamo patiro penaa.

SARAMBU PEADA’ 16:6

Iatu kakelokan napa’dei pa’kaboro’ sia kamarurusan, sia bannang dio kamatakuran lako PUANG, anna toyang tu tau dio mai kakadakean.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

SARAMBU PEADA’ 16:17

Iatu patunna to bulo lollong iamotu untoyangan kalena dio mai kakadakean; sia minda-minda ungkaritutui lalanna, iamo ungkanandai katuoanna.

PA’PUDIAN 119:161

Mintu’ tedong pariu’na tondok unnula’ sumpuna’ natae’ bannangna, apa lendu’ ia ma’parondona tu penaangku diona mintu’ kadamMi.

PA’PUDIAN 3:4

Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 2:11

Mengkaolakomi lako PUANG situang kamatakuran, sia sende paimankomi situang kama’parondoan.

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

PA’PUDIAN 3:2

O PUANG, lendu’ budannamo ualingku! Makambanmo to umbalina’.

PA’PUDIAN 17:6

Metambana’ lako Kalemi, belanna Miperangiina’, o Puang Matua; tanannina’ talingamMi, sia perangii tu kadangku.