PA’PUDIAN 39:7 - Sura' Madatu

⁷ Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

PA’PUDIAN 39:7 Referans Kwoze

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

PA’PUDIAN 38:15

Ondongpi aku te butungna’ to tang parangi, sia tang naissan ma’pabali.

PA’PUDIAN 119:81

Mamali’ tungka tu penaangku lako kasalamaran dio mai Kalemi, sia urrannuanna’ kada pangallu’Mi.

PA’PUDIAN 119:166

O PUANG, kurannuan tu kasalamaran lu dio mai Kalemi, sia kukaritutui mintu’ pepasanMi.

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

AYUB 13:15

Moi Namorai tu Puang umpateina’, tontong duka kurannuan; ondongpi iatu gau’ku moraina’ untongananni dio oloNa.

LUKAS 2:25

Den todami tau lan Yerusalem misa’, disanga Simeon, iamo misa’ to malambu’ sia umpatongan Puang Matua, umpeagi bangmo pa’pakatana lako to Israel sia den Penaa Masallo’ lan kalena.

AYUB 14:2

Susito bunga tiballa’ anna malayu, sia lendu’ susito bayo-bayo sia tae’ natontong.

PA’PUDIAN 49:11

Belanna natiro tu to kinaa mate, sia iatu to baga sia to tang paissan pada sanggang duka, anna tampeanni to senga’ tu barang apanna.

TOMANGADA’ 2:21

Belanna moi nakara’ta’i tau tu misa’ pengkarangan situang kakinaan sia kapaissanan sia kamanarangan, inang la natampe napotaai to tang ungkara’ta’i. Ia duka tu apa iato tae’ gai’na sia kadake tongan.

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.