PA’PUDIAN 39:6 - Sura' Madatu

⁶ Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

PA’PUDIAN 39:6 Referans Kwoze

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

YAKOBUS 4:14

apa tae’ miissanni tu apa la dadi masiangna to. Umbara nakua tu katuoammi? Belanna susi bangrokomi to rambu, sattu’ri ditiro, anna pa’demo.

1 KORINTUS 7:31

sia to umpobeloi te lino la butung to tang sundun umpobeloi. Belanna iatu a’ganna te lino la pa’de.

TOMANGADA’ 12:13

Inde sia tu kada ma’katampakanna tu mintu’ apa narangimo tau, iamotu kataku’i tu Puang Matua sia karitutui tu mintu’ pepasanNa, belanna iamoto tu sipatu lako mintu’ tolino.

TOMANGADA’ 5:14

Susitu tau tassu’ lan mai inan taunna indo’na, susi dukato la male, iamotu ma’kambelang susi tonna tama te lino, anna tae’ naala apa tete dio saro ra’ta’na, tu natampean anakna.

1 PETRUS 5:7

Sorongi tu mintu’ kamasussammi lako Kalena, belanna Ia ungkaritutuikomi.

LUKAS 12:29

Iamoto da miposelangi tu la mikandena ba’tu la miiru’na sia da nasitaa penaammi;

YESAYA 55:2

Ma’apai ammi palaoi doi’ tu tangia kande sia polean ra’ta’mi tu tang mepedia’ina? Perangii meloNa’, ammi kandei tu apa maelo, sia anna pasende kalena tu deatammi situang kaseboan.

TOMANGADA’ 12:8

Tae’ liu gai’na, kadanna Tomangada’, mintu’na tae’ nasang gai’na!

TOMANGADA’ 2:8

Kurampunan dukamo kaleku tu bulaan sia salaka, sia ianan nabaa datu senga’ sia napabu’tu negara senga’; kupadenammo kaleku tu to menani muane sia to menani baine sia iatu mai apa umpoparannu tolino, iamotu ma’rupa-rupa kamaruasan.

TOMANGADA’ 1:14

Kupemarangamo tu mintu’ pengkarangan tu dikarang lan naarrang matanna allo, manassa mintu’nato tae’ gai’na sia susito unnula’ angin.

SARAMBU PEADA’ 13:22

Iatu to melo la untampean mana’ lanto mimi’na, apa iatu iananna tokadake gau’na untayan to malambu’.

PA’PUDIAN 127:2

Tae’ gai’mi millik kale’ sia lendu’ bongi ammi mane mamma’, sia mikande pa’di’ tu ra’ta’mi, belanna Nasorongan ia Puang tu to Nakamasei, ke marassanni mamma’.

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;

YAKOBUS 5:3

Ta’garammo tu bulaan sia salakami na iatu ta’ga’na la kendek titanan sa’bi umbalikomi, sia ungkande duku’mi susi api. Mangkamokomi urrampun eanan tonna ma’katampakanna attu.

SARAMBU PEADA’ 27:24

Belanna iatu ianan tae’ namarendeng; tontongraka tu makota nasiosso’i tau?

SARAMBU PEADA’ 23:5

Iake mupenunui, simpolo pa’de, belanna ta’pa unggaragan kalena pani’, susito langkan maega mettia’ langngan langi’.

AYUB 7:7

Kilalai iatu katuongku sangpenaanri; sia iatu matangku tae’mo nala untiroi tu melona.

AYUB 7:16

Namosomo’, tae’mo kula tontong tuo. Rampanammo’, belanna iatu alloku sangpenaanri.

AYUB 14:1

Iatu tolino tu nadadian baine, tang masae lako tu allo katuoanna sia nabossa kamagiangan.

PA’PUDIAN 89:48

Kilalai kumua tumba madenge’na tu sunga’ku, tumba torro salana tu kaungkombongamMi rupa tau?

PA’PUDIAN 144:4

Iatu to lino ten to damo’, sia iatu sunga’na butung bayo-bayo pa’de poton.

TOMANGADA’ 11:10

Iamoto, kanandai tu penaammu da natama karossoan sia patoyangi tu kamasussan dio mai kalemu belanna iatu kamanguranta sia kamalolleranta, tae’ gai’na.

LUKAS 12:26

Sala duka bitti’na tang mikulle umpogau’i, ma’apai miinaa-naa bangi tu senga’na?