PA’PUDIAN 39:13 - Sura' Madatu

¹³ Perangiimi tu passambayangku, o PUANG, sia tananni talingamMi tu pengkamoyaku, sia da Mipa’loko-lokoi tu tangi’ tang marangangku, belanna iate aku te misa’na’ to sae dio Kalemi, sia to mentiruran susi mintu’ to doloku.

PA’PUDIAN 39:13 Referans Kwoze

AYUB 7:19

Sangapaporokomi la umpatampeina’ mata, amMi rampananna’, kuurungan ma’din unnamma’ elo’ku?

KADADIAN 42:36

Nakuami lako tu Yakub, ambe’na: Mipasisayuranna’ anak, belanna pa’demo tu Yusuf sia Simeon duka; totemo la miala pole’omo tu Benyamin. Mintu’nate napasumpu tonganna’!

KADADIAN 5:24

Iatu Henokh la’ka’ bang lako Puang Matua, pa’demo ia, belanna Nasolan Puang Matua langngan.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

2 DATU 20:3

nakua: O PUANG, la Mikilalai umba kukua lolang maruru’ dio oloMi sia lantuk penaangku sia kupogau’ tu apa melo dio pentiroMi. Pakalan si’dan-si’danmi tumangi’ tu Hizkia.

1 OSSORANNA DATU 29:15

Belanna kami te to sae sia to mentiruran dio oloMi, susi mintu’ nene’ to doloki; iatu allo katuoangki susi bayo-bayo dao kuli’na padang, tae’ nadiranuan.

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

PA’PUDIAN 119:19

Aku te to saena’ lan lino, da Mibunianna’ tu mintu’ pepasanMi.