PA’PUDIAN 39:12 - Sura' Madatu

¹² Iake Mipandasai tu tau, belanna natumang kakelokanna, misanggang tu kameloanna susito nakande busung, manassa iatu mintu’ tolino susi bangri damo’. Sela

PA’PUDIAN 39:12 Referans Kwoze

1 PETRUS 2:11

E pa’kaboro’ku, kupakilalakomi susito mentiruran sia to lumio’ lan te lino, la mitoyangan tu kalemi dio mai mintu’na kamailuan pa’kalean tu sirari deatammi;

IBRANI 11:13

Lan duka kapatonganan naniimo mate sola nasangi tonna tae’pa naappa’i tu apa dialluranni, apa lan kapatongananna natiro mambelamo sia natammui marampa’, anna akui tu kalena kumua to sae sia to mentiruran lan te lino.

PA’PUDIAN 119:19

Aku te to saena’ lan lino, da Mibunianna’ tu mintu’ pepasanMi.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

PA’PUDIAN 56:8

Ma’apai nala ma’din tilendok tu tau iato mai nabudamo kakadakeanna? Pessambakanni tu tau iato mai diona kasengkeamMi, o Puang Matua!

1 OSSORANNA DATU 29:15

Belanna kami te to sae sia to mentiruran dio oloMi, susi mintu’ nene’ to doloki; iatu allo katuoangki susi bayo-bayo dao kuli’na padang, tae’ nadiranuan.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

AYUB 16:20

Moi natelle-tellena’ tu mai sangmaneku, apa iatu matangku ma’palulako bang Puang Matua;

2 SAMUEL 16:12

Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

2 KORINTUS 5:6

Iamoto anta tontong umpabatta’ penaanta, belanna taissan kumua iake lanpiki’ te kale iate, sikambelaki’ Puang.

PA’PUDIAN 102:1

Passambayangna to mandasa bang, ke tang naattami sia untua’ sarrona dio oloNa PUANG.

PA’PUDIAN 119:54

Mintu’ tu apa Mipondok kuposengo, lan inan pempueangku.

KADADIAN 21:34

Torromi tu Abraham dio padang to Filistin ba’tu pirang-pirang allo.

AYUB 13:28

Iatu iannato la rampo lako tau, tu sanggang susito kayu manapo sia susito sampin nakande busung!

PA’PUDIAN 90:9

Belanna mintu’ allo katuoangki roto’mo diona kasengkeamMi, sia kiupu’imo tu katuoangki butung to tindo.