PA’PUDIAN 39:1 - Sura' Madatu

¹ Lu lakona pangala sengo; lako Yedutun. Pa’pudianna Daud.

PA’PUDIAN 39:1 Referans Kwoze

SARAMBU PEADA’ 21:23

Minda-minda ungkanandai pudukna sia lilana, iamo ungkampai kalena dio mai ma’rupa-rupa kapussakan.

PA’PUDIAN 141:3

O PUANG, kampai tu tongka’ dililaku, sia karitutui tu randan pudukku.

YAKOBUS 1:26

Iake denni misa’ tau ussanga kalena mengkaola lako Puang Matua, apa tae’ nabelai untorei tu puduk makattikna, sangadinna umpakena penaanna, manassa kapengkaolanna tau iato lao sala.

PA’PUDIAN 119:9

Umba la nakua ungkaritutui gau’na tu to mangura anna masero? Iapi ke nakaritutui susitu kadamMi.

PA’PUDIAN 34:13

Mindara morai tuo, sia ungkaduangi kamalamberan sunga’ anna tiroi tu maelona?

IBRANI 2:1

Iamoto la losong tapalan ara’ tu mintu’na apa mangka tarangi, dikua da anta tipero’ senga’.

SARAMBU PEADA’ 18:21

Iatu kamatean sia katuoan lan kuasanna lila, minda-minda unturusanni la nakande tu buanna.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

KOLOSE 4:5

Pa’pekitanangkomi kakinaammi lako to salian sia da’ mimatei tu attu melo.

PA’PUDIAN 12:4

Sanggangimi, PUANG, tu mintu’ puduk passede sia mintu’ lila ma’kada madongnga’.

PA’PUDIAN 62:1

Lu lakona pangala sengo. Unturu’ baenan sengo Yedutun. Pa’pudianna Daud.

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

PA’PUDIAN 77:1

Lu lakona pangala sengo; lako Yedutun. Misa’ sengo pa’pudianna Asaf.

2 DATU 10:31

Apa tang ponno penaanna tu Yehu ungkaritutui Sukaran alukNa PUANG, Kapenombanna to Israel, belanna tae’ naboko’i tu kasalanna Yerobeam, tu napa’pesuan lako to Israel umpogau’i.

AMOS 5:13

Iamoto nakappa tu to unnampui tangnga’ kinaa lan attu iato, belanna attu iate kadake.

1 OSSORANNA DATU 16:41

Sisola tu tau iato den tu Heman sola Yedutun na iatu to senga’ ditonno’mo, tu dipamanassamo sanganna la umpenanian Puang, kumua: Pudimi tu PUANG, belanna iatu kamasokananNa tang tileluk sae lakona.