PA’PUDIAN 36:4 - Sura' Madatu

⁴ Mintu’ tu kada sun dio pudukna kakadakean manna sia kalando-pa’duan manna, tae’mo anna lolang kinaa sia tae’mo anna pogau’ kameloan.

PA’PUDIAN 36:4 Referans Kwoze

MIKHA 2:1

Upu’ allona tu mintu’ to umparri-parri kakelokan sia untampa kakadakean dao inan katindoanna; iake masiangmi dio mai napalalomi, belanna nakulle limanna umpogau’i.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

YESAYA 65:2

Kiallo-kiallo umpakorongNa’ limangKu lako misa’ bangsa pabali-bali, tu unnola lalan tang sipatu sia tu unturu’ tangnga’ misanna.

KADA OMBO’ LAKO RASULU’ YOHANES 2:2

Kuissan tu mintu’ penggaurammu sia kamara’tasammu sia kabattarammu, sia kutandai kumua tae’ mutananni tu mintu’ to kadake, apa mangkamo musudi tu mintu’ to ussanga kalena rasulu’, apa tangngia, sia muappa’ to mo’rang tu tau iato mai;

PA’PUDIAN 97:10

E kamu, mintu’ to ungkamali’ PUANG, la mikabiri’ tu kakadakean. Iamo urrinding pala’ deatanna mintu’ to masallo’Na. Sia urrampananni lan mai lisu pala’na to tang mekaaluk.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

PENGGAURANNA RASULU’ 23:12

Iatonna masiang dio mai, sipatamma’mi ba’tu pira-pira to Yahudi, pada ussumpa kalena kumua, tae’ nala kumande sia mangiru’ ke tae’pi napatei tu Paulus.

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

YEREMIA 8:6

Kupeandallingmo sia Kuperangii-rangiimo, manassa tau iato mai umpokada apa kelok; moi misa’ tae’ umpenassanni tu kakadakeanna, nakuami: Apara tu kupogau’? Mallaimi sola nasang sorong boko’ susito darang ma’dondo tama tananan ra’.

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

SARAMBU PEADA’ 24:23

Inde dukapa tu ba’tu pira-pira (kada peada’na) to kinaa. Tang melo tu umpelindo tau lan kapa’paolaian salu.

PA’PUDIAN 52:3

E to masa’ga’, ma’apari ammu sattuanra kalemu diona kakadakean? Iatu kamasokananNa Puang Matua inang tang tileluk.

PA’PUDIAN 38:12

Mintu’ tu to kukamali’ sia sangmuaneku untoyangammo kalena, dio mai kamandasangku, sia mintu’na duka sangdadiangku urrandanammo kalena.

AYUB 15:16

ondongpissan tu to megi’giran sia to kadake liu, iamotu tolino, tu unniru’ kakadakean butung uai.

ESTER 6:4

Ma’kadami datu nakua: Mindara tu dio tarampak? Iatu Haman sirupangmo sae lako tarampak saliananna tongkonan layuk kadatuan, la umpokadai lako datu kumua nasulai tu Mordekhai dao lentong tu mangka napabendananni.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

1 SAMUEL 19:11

Nasuami Saul tu ba’tu pira-pira tau lako banuanna Daud, la ungkampai anna patei, ke masiangi dio mai; napaissannimi Mikhal, bainena Daud, tu apa iato lako Daud, nakua: Iake tae’i nabongi ia bangsiamote mulussuran kalemu, manassa masiang ammu dipatei.

SARAMBU PEADA’ 24:2

belanna iatu penaanna untangnga’ bang pa’pakario-rio, sia iatu pudukna umpokada bang kamandasan.

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.