PA’PUDIAN 36:2 - Sura' Madatu

² Iatu kasalan ma’kada lan ba’tengna to tang mekaaluk; – tae’ bang kamatakuran lako Puang Matua dio lindona –

PA’PUDIAN 36:2 Referans Kwoze

PA’TOLE 29:19

Apa ianna den misa’ tau urrangii te pa’tampak ropu sia nasanga napomasakke, nama’kada nakua: La marampa’na’, ke unturu’na’ lalan penaa makarra’ku – napobannang umparampo kasanggangan lako padang kauaian sia lako padang karangkean –,

PA’PUDIAN 49:18

Belanna iake nalambi’mi kanna bunu’na moi misa’ apa tae’ anna baa lenni, sia tae’ anna la undi urrundu’i kamala’biranna.

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

ROMA 7:9

Dolona tuo tang untoena’ Sukaran aluk, apa iatonna sae tu atoran, tuomi sule tu kasalan,

ROMA 3:9

Dadi umba nakua? Denraka tapolosong? Inang tae’ ia to; belanna pirambongi’ mangkamokan umpasala to Yahudi sia to Yunani duka kumua mengkanorong nasangi lako kasalan;

LUKAS 10:29

Apa la morai bang untonganan kalena tu tau iato, nakuami lako Yesu: Mindara tu padangku to lino?

YEREMIA 17:9

Iatu penaa mandu patangnga’ na iatu mintu’ apa, sia pasanggang; mindara ma’din la untandai?

YEREMIA 2:23

Umba mukua la ma’kada kumua: Tae’ aku kuruttakki kaleku, tae’ aku kuturu’i tu mai Baal? Tiromi tu lalanmu diong lombok, sia la muissan tu apa mangka napogau’, e unta mangura tu ma’dondo lu lako lu dio mai.

ROMA 10:3

Tu belanna tang ussanga kamaloloanNa Puang Matua, sia belanna la morai umpabendan kamaloloanna kalena, tae’ namengkaola lako kamaloloanNa Puang Matua.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.