PA’PUDIAN 34:3 - Sura' Madatu

³ Iatu deatangku massattuan dio PUANG, sangapaoi anna rangii to umpamadiongan penaanna anna parannu-rannu!

PA’PUDIAN 34:3 Referans Kwoze

PA’PUDIAN 69:30

Apa iatu aku te mandasana’ sia mapa’di’na’, melo ke naongannina’ kamakarimmanan lu dio mai Kalemi, o Puang Matua.

LUKAS 1:46

Nakuami tu Maria: Deatangku umpekalangka’I Puang Matua

PA’PUDIAN 40:16

Da’ito nalittu belanna masiri’, tu to umpa’pallakanna’!

PA’PUDIAN 66:8

E mintu’ bangsa, pudimi tu Kapenombanta, sia pemandui tu gamara umpa’perangian kadipudi-pudianNa.

PA’PUDIAN 35:27

Melo ke mela’tekki sia sende paimanni tu mintu’ to umporai tu kaunnolaiangku salu; sia la tontong napokada kumua: Kapua paanNa tu PUANG. Tu umporai taunNa ke unnappa’i kasalamaran.

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

2 OSSORANNA DATU 29:30

Mangkato mesuami tu datu Hizkia sola mintu’ pangulu lako to Lewi, la umpudi PUANG ussa’bu’ kadanna Daud sia Asaf, to patanda-tandan. Napopenanimi tu pa’pudi-pudian siparannu-rannu, malinguntu’ sia tukku menomba.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

PENGGAURANNA RASULU’ 19:17

Tiseno-senomi tu kareba iato lako mintu’ to Yahudi sia to Grika dio Efesus, sae nasangmi kamatakuranna tu tau, anna pakala’bi’i tau tu sanganNa Puang Yesu.

FILIPI 1:20

susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

1 OSSORANNA DATU 16:10

Massattuangkomi diona sanga maseroNa; Mintu’ to undaka’ PUANG sipatu la sende batu ba’tengna.

PA’PUDIAN 69:33

Iatu mintu’ to umpopengkadiongan penaanna la natiro tu iannato situang kaparannuan; melo ke pa’yakki tu penaammi, e kamu mintu’ to undaka’ Puang Matua.

YEREMIA 9:23

Inde sia tu kadanNa PUANG: Iatu to maluangan ba’tengna, da nasattuanni tu kamaluanganna sia iatu to matoto’ da nasattuanni tu kamatotoranna sia iatu to sugi’ da nasattuanni tu kasugiranna,

YEREMIA 9:24

apa iatu to la morai massattuan, melo ke massattuanni, belanna paissan sia natandaiNa’, kumua Akumo tu PUANG, tu umpalalo kamasokanan sia kamalamburan sia kamaloloan dao kuli’na padang; belanna naala penaangKu tu to massattuan susito, kadanNa PUANG.