PA’PUDIAN 34:2 - Sura' Madatu

² La tontongna’ umpudi PUANG, sia iatu kapa’pudi-pudian lako tang tore sun dio pudukku.

PA’PUDIAN 34:2 Referans Kwoze

YEREMIA 9:24

apa iatu to la morai massattuan, melo ke massattuanni, belanna paissan sia natandaiNa’, kumua Akumo tu PUANG, tu umpalalo kamasokanan sia kamalamburan sia kamaloloan dao kuli’na padang; belanna naala penaangKu tu to massattuan susito, kadanNa PUANG.

1 KORINTUS 1:31

kumua anna susitu disura’na, nakua: Minda-minda tu massattuan, la massattuan tete dio Puang.

PA’PUDIAN 119:74

Iatu mintu’ to ungkataku’Komi la sende untirona’, belanna kurannuan tu kadamMi.

PA’PUDIAN 44:8

Sangadinna Kamuri tu mangka ullendokangkan dio mai mintu’ ualingki, sia mintu’ tu to ungkabiri’kan Mipakasiri’mo.

2 KORINTUS 10:17

Apa minda-minda tu massattuan, la massattuan tete dio Puang.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

PA’PUDIAN 105:3

Massattuangkomi diona sanga maseroNa; mintu’ to undaka’ PUANG sipatu la sende batu ba’tengna.

PA’PUDIAN 142:7

Parinaai tu pengkamoyaku belanna tang pakulle tonganmo’; rinding pala’na’ dio mai mintu’ to unnula’ sumpuna’, belanna nasau’na’ tau iato mai.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.