PA’PUDIAN 34:11 - Sura' Madatu

¹¹ Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

PA’PUDIAN 34:11 Referans Kwoze

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

PA’PUDIAN 111:10

Iatu ungkataku’ PUANG oto’na mintu’ kakinaan; minda-minda umpogau’i susito, iamoto kinaa. Sia iatu kadipudianNa tontong sae lakona.

PA’PUDIAN 32:8

La Kupakilalako sia la Kupatuduko tu lalan sipatu la muola; la Kupokadangko tangnga’ sia la Kutuntun matako.

YESAYA 28:9

Mindara la naada’i kapaissanan? sia mindara la nanii umbattuananni apa dipaombo’? Lakoraka pia sumarak susu? lakoraka pia mane disarak susu?

SARAMBU PEADA’ 8:17

Kukamali’ tu to ungkamali’na’, naminda-minda tu birisan, undaka’na’ manassa la naapparanna’.

SARAMBU PEADA’ 7:24

Iamoto, e anakku, perangiina’ sia palan penaai tu kada sun dio pudukku.

SARAMBU PEADA’ 4:1

Perangiimi, e mintu’ pia, tu peada’na misa’ ambe’, sia papatui penaa ammu appa’ pakita penaa,

PA’PUDIAN 66:16

E kamu sola nasang tu ungkataku’na Puang Matua, maikomi umperangii, la kuulelean tu apa Napogau’ lako tondon to batangku.

SARAMBU PEADA’ 22:6

Ada’i tu pia muane situru’ tu sipatunna la napogau’, moi sae lako matuanna, manassa tae’ nala sepang dio mai.

2 TIMOTIUS 3:15

sia tempon dio mai bitti’mu mutandaimi tu mintu’ Sura’ MadatunNa Puang Matua, tu ma’din umpakinaako la umpabu’tu kamakarimmanan tete dio kapatonganan lako Kristus Yesu.

SARAMBU PEADA’ 8:32

Iamote, e mintu’ anakku, perangiina’, belanna la maupa’ tu to ungkaritutui lalanku.

TOMANGADA’ 11:9

Melo ke parannuko, e pia muane lan attu kamangurammu, sia la sende paiman tu penaammu su’ding pia muanepoko; ondongpi turu’i tu mintu’ lalan inaammu sia patiro matammu, apa issanni kumua belanna mintu’ tu iannato la Napatamako Puang Matua pa’paolaian salu.

YOHANES 13:33

E anakKu, sattu’mora la Kunii ussisolangkomi, ammi daka’Na’, sia susitu mangkanna Kupokada lako to Yahudi kumua: Iatu Kuninna male, tae’ mibelai ullambi’i, susi dukamoto Kupokada lako kalemi totemo.

AYUB 4:11

Iatu singa tua la mate belanna tae’mo kandena, sia iatu anak singa birang tisambo’-sambo’.

PA’PUDIAN 23:1

Pa’pudianna Daud. PUANGmo tu to manglaaku; tae’ angku kapu’duran len.

PA’PUDIAN 107:9

Belanna Napapayamo tu penaa ma’rangna, sia iatu penaa topona Napedia’imo kameloan.

PA’PUDIAN 112:3

Lan banuanna ponno ianan sanda makamban sia kasugiran, sia iatu kamaloloanna tang tileluk sae lakona.