PA’PUDIAN 33:7 - Sura' Madatu

⁷ Napopa’misa tu mintu’ uai tasik butung misa’ patuku, sia mintu’ uai mandalan, Napatama pa’pannianna.

PA’PUDIAN 33:7 Referans Kwoze

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

KATASSURAN 15:8

Diona angin sun dao mai illongMi anna dipopa’patuku-tuku tu uai; sia iatu uai saba’ tulangdan susi sapan, sia mintu’ bombang makko lan atena tasik.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

HABAKUK 3:15

Mipatetei darangMi tu tasik, iamotu uai kapua pambura-bura.

YEREMIA 5:22

Tae’raka mila ungkataku’Na’, kadanNa PUANG, tae’raka mila ma’parondo dio oloKu, tu umpadadi bungin naposapa’ tasik, sia napokatonan tontong tu tang nalendu’i? Moi umbassan-bassan tu bombangna, tang nalambi’ duka lako, moi mematu-matu, tae’ duka naleanni.

SARAMBU PEADA’ 8:29

sia iatonNa pantokki tu mintu’ anggenna tasik, kumua da nalendai uai iato tu pepasanNa, tonNa pamanassai tu mintu’ parandanganna te lino,

AYUB 26:10

Natarik tu malepongna dao to’ uai, sae lako passaparanna masiang anna malillin.

PA’PUDIAN 78:13

Naballak tu tasik anNa palambanni tu tau iato mai, Napopa’parinding tu uainna susi misa’ sapan.