PA’PUDIAN 33:3 - Sura' Madatu

³ PenanianNi Puang tu sengo ba’ru, pemellongi tu dedekna sia pemandui.

PA’PUDIAN 33:3 Referans Kwoze

YESAYA 42:10

PakendekanNi nanian ba’ru tu PUANG, sia kadipudianNa dio mai mintu’ randan langi’, e kamu to massombaran lan lu tasik sia mintu’ tu issinna; e kamu randan tasik sia mintu’ to umpa’tondokki.

EFESUS 5:19

ammi sipa’kada-kada naturu’ pa’pudian sia pa’tendeng sia penanian masallo’ ammi penanianni sia umpudi-pudi Puang lan penaammi;

1 OSSORANNA DATU 25:7

Iatu bilanganna tau iato mai sola mintu’ siulu’na, tu diada’imo nanian umpudi PUANG, iamotu mintu’ manarangnamo, den duaratu’ karua pulona ngkarua.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

PA’PUDIAN 96:1

Penaniammi PUANG tu misa’ nanian ba’ru, sia penaniamMi tu PUANG, e mintu’ issinna lino.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

PA’PUDIAN 144:9

O Puang Matua, la kupenaniangKomi misa’ nanian ba’ru, sia la kupakendekangKomi pa’pudian kupasibarrung dandi sangpulo ritinna,

PA’PUDIAN 98:1

Pa’pudian. Penanianni misa’ nanian ba’ru tu PUANG, belanna mangkamo umpogau’ apa kalle-kallean, lima kananNa sia takia’ maindanNa umpadenanni kapataloan.

1 OSSORANNA DATU 13:8

Iatu Daud sola mintu’ to Israel ma’marua’-rua’ tongan unnondo dio oloNa Puang Matua napasiala nanian sia to umpannoni katapi, dandi, ganda’-ganda’, taa’-taa’ sia tarompe’.

KADA OMBO’ LAKO RASULU’ YOHANES 14:3

iatu tau iato mai umpopenani misa’ nanian ba’ru dio olo isungan kapayungan iato, sia olona a’pa’ a’gan kepenaa, sia mintu’na penatua; sia moi misa’ tau tae’ anna kullei umpelada’i tu nanian iato, sangadinna ia manna tu tau saratu’ patangpulo nna’pa’ sa’bunna tu to dila’bak dio mai lino.

PA’PUDIAN 149:1

Haleluya! Penanianni PUANG tu misa’ nanian ba’ru, tu dipudianni lan kombongan to masallo’.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

2 OSSORANNA DATU 34:12

Tau iato mai maruru’ tongan untoe pengkaranganna, na iatu to ditappu la umpasirundunanni tu tau iato, iamotu Yahat sola Obaja, to Lewi, bati’na Merari sia Zakharia sola Mesulam, bati’na Kehat. Iatu mintu’ to Lewi manarang umpannoni ma’rupa-rupa oni-onian,

1 OSSORANNA DATU 15:22

Iatu Kenanya, pangulunna to Lewi, umbandoro’i to umpalele patti; ia umpasirundunan to umpalele patti, belanna ia to manarang.

PA’PUDIAN 40:4

Ia umpabu’tu nanian ba’ru dio pudukku, misa’ pa’pudi-pudian lako Kapenombanta. Buda tau la untiroi tu iannato anna kabangnga’I sia umposande’ PUANG.